ADVERTISEMENT

Deskonfia, Ema Mak Oho Orlando Ho Riando

Mario da Costa - Ainaro · Justisa
  • Share

DILI-Família husi matebian joven na’in-rua, deskonfia Orlando Martins ho Riando Falo, mate iha Ramelau, ema mak oho, maibé sira entrega ba autoridade kompetente mak halo investigasaun.

Família husi matebian joven na’in-rua Marcelo da Rosa, inform momentu parte família sira foti joven na’in-rua nia mate isin iha fatin akontesimentu iha area na’in-feto Ramelau, deskonfia ema mak oho.

ADVERTISEMENT
SCROLL FILA BA NOTISIA


“Ami família foti mate isin iha fatin akontesimentu, iha sinais ruma iha matebian na’in-rua nian isin, tanba ne’e husik ba autoridade komponente sira mak halo servisu ida ne’e,” dehan Marcelo iha mortuariu Ospitál Nasionál Guido Valadares (HNGV), Sábadu (18/02).

Nia dehan, relasiona ho atu halo investigasaun ba nia kolega sira ne’ebé mak sira hasai foto hamutuk ne’e, parte husi família la bele indika kualkér ema ida, maibé família fó ba PNTL mak sei halo prosesu ida ne’e.

Lee Mós :
Hahú Atendimentu Online ba Pasaporte, BI no Sertidaun RDTL

“Ita la kohi atu halo espekulasaun husik ba autoridade kompetente sira mak sei hare ida ne’e, tanba ida ne’e fase Dezenvolvimentu prosesual nian, depois mak sira sei halo,” nia dehan.

“Maibé, Rezultadu autópsia sei iha prosesu, depois mak ita informa fali ba ita boot sira, kona ba nia rezultadu autópsia bazikamente halo verifikasaun simples ida ba korpu mate isin nian, atu nune’e ita hatene katak karik iha mate nee kauza ne’e saida, maibé ita hein sei iha prosesu laran,” nia dehan.

Prosesu autópsia ne’e, iha Sesta (17/02) mais menus iha oras tuku 02:00 lokraik too remata entrega ona ba família. Matebian rua lori kedas ba iha sira nia moris fatin Oe-cusse, liu husi terreste.

Nia dehan, matebian rua ne’e, Remata ona eskola sekundáriu, Riando Falo remata iha tinan 2022 iha eskola KAFE Oekusi no Orlando Martins remata iha tinan 2021 iha eskola Santos Antonio  Oekusi,  na’in-rua mai iha Dili, hodi mai tuir kursu, Orlando Martins  kursu iha EDTA no Riando falo kursu iha IOB.

Lee Mós :
Fretilín Hein Rezultadu Fiskalizasaun Abstrata ba Lei Indultu

Iha biban ne’e, Fundasaun Mahein (FM) Abel Amaral, husu ba joven sira bainhira Halo Peregrinasaun ba Nain Feto Ramelau, tenke respeita area sira ne’ebé maka kulturalmente ema fiar.

Nia dehan, pozisaun Fundasaun Mahein ligadu ho joven na’in-rua ho naran Riando falo ho Orlando Martins ne’ebé mate iha Ramelau ne’e, Fundasaun mahein nia pozisaun la fó sala ba ema ida.

“Ami hanoin ida nee  hanesan ema Timor oan, ita husu ba públiku sira kuandu atu halo peregrinasaun ruma ba iha Ramelau nee, ita tenke respeitu ita nia pozisaun kultura ida nee de’it, tenke konsulta ho ema rai na’in, nune’e ita bele la’o ba, saida maka ita bele halo nee,  maka ita halo,” nia hakotu.

Lee Mós :
Dezastre iha Ramelau, Governu ho Igreja Kria Liña Koordenasaun

Komandante Polisia Nasionál Timor Leste (PNTL) Munisípiu Ainaru, Superintendente Polisia Paulino Carmo, relata, emjeral matebian hetan primeiru hetan iha loron 14/02 no ida segundu hetan iha dia (16/02), hodi transporta ona mai iha mortuáriu HNGV hodi halo prosesu autópsia.

“Kona ba prosesu investigasaun, agora daudaun ita nia investigasaun komandu PNTL munisípiu Ainaru, liuhusi nia seksaun investigasaun halo hela ona prosesu investigasaun, komesa buka ona dadus”, dehan Paulino ba Jornalista sira hafoin  remata sosializasaun ba Membru PNTL sira iha Sentru Formasaun Polisia (SFP), Akademia Comoro Dili, Sesta (17/02). (bet)

 30,332 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Deskonfia, Ema Mak Oho Orlando Ho Riando” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No