ADVERTISEMENT

PN Husu Governu Hatuur Justisa Nu’udar Kultura Lulik

Mario da Costa - Justisa
Jornalista : Cardenio Alves
Editor : Mario da Costa
  • Share
Deputadu Bankada FRETILIN, Alexandrino Cardoso da Cruz, Imajen Esp.

DILI (timorpost.com) – Tanba haree timoroan komesa la dignifika no respeitu justisa, Parlamentu Nasionál (PN), husu Governu liuhosi Ministériu Justisa (MJ), atu hatuur justisa nu’udar kultura lulik iha Timor-Leste.

“Ita-nia lei/normas tau justisa ne’ebé loloos no momoos, tau justisa ne’e hanesan kultura lulik ne’e ita loron no kalan adora lori nia sai hanesan destinu moris iha rai laran,” hateten Deputadu Bankada FRETILIN, Alexandrino Cardoso da Cruz, iha Parlamentu Nasionál, Tersa (24/01).

ADVERTISEMENT
SCROLL FILA BA NOTISIA


Nia dehan, Estadu no Governu tenke tau loloos justisa iha nia fatin ba ema hotu, la’ós ba ema ki’ik ka boot de’it, ikus povu mak sai vítima fali ba justisa ne’e rasik.

Lee Mós :
Governu Deside Halo Abertura ba Bus Babadok Express

“Tanba ita-nia lei no justisa rasik, ita haree sorin seluk liberta total ba ema ne’ebé halo sala, maski viola lei,” nia subliña.

Tanba ne’e nia husu ba Governu liuliu Ministériu Justisa, tau justisa ne’e nu’udar kultura lulik iha nasaun, atu sidadaun hot-hotu, tantu povu ki’ik no boot, tenke kumpre hodi la’o tuir nia dalan legal.

Lee Mós :
PN Votu Pezar ba Saudozu Eis Primeiru Ministru Japaun

Iha parte seluk Deputadu, Luís Roberto husi Partidu Kmanek Haburas Unidade Nasionál Timor Oan, (KHUNTO), hatete justisa tenke la’o tu’ir nia dalan no tenke tau tuir kondisaun no situasaun nasaun no povu nian, tanba justisa ne’e rasik harii husi povu.

“Ita haree iha parte seluk bainhira uza justisa hodi liberta total, maski ema ne’e halo krime ka sala, tanba tuir prosedimentu legal nian katak ita akompaña ita hatene, nune’e uza justisa ne’e tenke la’o tuir nia fatin”, nia preokupa.

Lee Mós :
PLP Husu MS Rezolve Dívida Ospitál Estranjeiru Sira

Nia dehan, hanesan sidadaun presiza dignifika nafatin ba instituisaun sira ne’ebé estabelese, hanesan PSIS, PNTL, F-FDTL, ho instituisaun sira seluk ne’ebé estadu iha.

Tanba ne’e nia husu ba Governu liuliu Ministériu Justisa, atu dignifika no tane-as prinsípiu justisa ne’e ho loloos, atu bele valoriza dignidade povu ho di’ak iha kualkér situasaun no kondisaun hotu.

 1,848 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PN Husu Governu Hatuur Justisa Nu’udar Kultura …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No