ADVERTISEMENT

Kazu Disputa Rai iha Bedois, Inan Faluk Verónica Kontinua Hela iha Liur

Mario da Costa - Justisa
Jornalista : Beatriz Belo
Editor : Mario da Costa
  • Share
Inan faluk Verónica Xavier, imajen TP/Beatriz Belo

DILI (timorpost.com) – Relasiona ho notifikasaun husi Tribunál iha (11/11/2022), hodi hasai obrigatóriu inan faluk Verónica Xavier ho nia nia oan no Bei-oan sira iha nia hela fatin Bedois, Suku Kamea, daudaun ne’e inan faluk ne’e kontinua hela iha liur hodi hein prosesu.

Inan Faluk Verónica Xavier, haktuir iha fulan Dezembru tinan 2022 nia laran, parte advogadu husi Rede ba Rai, haruka nia oan Mane, Feto foun ho bei-oan sira atu hela iha uma ne’e, tanba bazeia ba notifikasaun husi Tribunál la mensiona sira-nia naran, maibé mensiona de’it inan faluk Verónica Xavier ho nia oan feto no mane foun nia naran, tanba ne’e sira nain-tolu mak la bele hela iha uma ne’e.

ADVERTISEMENT
SCROLL FILA BA NOTISIA


“Ha’u ho hau-nia oan feto no mane foun mak la bele hela iha uma ne’e, tanba bazeia ba notifikasaun husi Tribunál, katak ami na’in-tolu mak lakon ona ho senhor Alexandre dos Santo, tanba ami-nia alvogadu Ismael Asonção, uluk kaer kazu ne’e mak hatama kontestu ba iha Tribunál tarde, tanba ne’e ami lakon, maibé ha’u-nia oan mane ho ha’u-nia feto foun ho bei-oan sira bele hela iha uma ne’e, tanba momemtu ne’ebá senhor Alexandrino dos Santos ba keixa la mensiona sira naran iha laran,” dehan inan faluk Verónica ba Timor Post iha Bedois, Sábadu (14/01).

Lee Mós :
CAC Kontinua Simu Keixa Hosi Publiku Hamutuk-83

Tan ne’e mak, iha loron 30 fulan Dezembru tinan 2022, inan faluk Verónica Xavier nia oan Mane no Feto foun ho Bei-oan sira hahú hamoos uma laran no iha loron 03 fulan Janeiru tinan 2023, sira hahú hela iha uma ne’e.

“Ha’u ho ha’u-nia oan Feto no mós Mane foun kontinua hela ho viziñu, tanba notifikasaun husi Tribunál ne’e ami nain tolu mak lakon ona ho senhor Alexandre, maibé daudaun ne’e advogadu husi rede ba rai na’in-rua doutor Olivio Barros ho doutor Julio da Silva no mós advogadu privadu ne’ebé Líder Karizmátiku Kay Rala Xanana Gumão, oferese senhor doutor Miguel, sira atu halo fali rekursu ba iha Tribunál hasoru Senhor Alexandre dos Santo, kona-ba kazu ne’e,” dehan nia.

Inan faluk ne’e konta, iha momentu ne’ebá la’ós inan faluk Verónica Xavier ho nia oan feto ho mane foun la kohi ba tuir julgamentu, maibé parte advogadu Ismael asonção, hatama kontestu atu hasoru senhor Alexandre dos Santo ba iha Tribunál ne’e mak tarde.

Lee Mós :
Kazu Bedois, Inan Faluk Verónica Muda Fatin

Antes ne’e, Koordenadór Rede ba Rai, Horténcio Pedro F. do C. Vieira, informa relasiona ho notifikasaun husi Tribunál iha loron Sesta (11/11) hodi hasai obrigatóriu inan faluk Verónica Xavier, ho nia oan no Bei-oan sira husi sira-nia hela fatin, nune’e rede ba rai rekolla hotu ona informasaun, tanba ne’e sei halo rekursu ba Tribunál.

“Ami sei halo rekursu ba Tribunál, tanba tuir informasaun ne’ebé ami rekolla, inan faluk Verónica Xavier, hela iha uma ne’e iha tinan 1980 no Uma ne’ebé nia hela ba ne’e Governu Indonézia, mak oferese ba nia hodi hela, tanba ne’e merese duni ami atu halo rekursu ba Tribunál,” dehan Koordenadór rede ba Rai Horténcio ba Media online Timor Post, Tersa (13/12).

Nia afirma, Rede ba Rai iha advogadu na’in-rua mak doutor Julio da Silva ho doutor Olivio Barros, atu fó apoiu juridikamente no fó asisténsia ba inan faluk Verónica Xavier ho nia família ne’ebé daudaun ne’e hasoru hela problema.

Lee Mós :
TDS Aplika Prizaun Preventiva Ba Arguidu CB Oho Nia Feen

“Tanba ne’e, Ami rekolla ona informasaun no kuandu loos hotu ona ami sei hodi ba Tribunál no buka Justisa ba inan faluk Verónica Xavier ho nia família, tanba presiza maneja dadus ne’e didi’ak no halo analiza liga ho Lei sira ne’ebé vigora iha Timor-Leste (TL), hafoin halo rekursu ba Tribunál,” nia hateten.

Nia dehan, Kazu Sívil ne’e, prosesu mak hanesan ne’e, la hanesan ho Kazu krime ne’ebé akontese autor sira direta tama komarka. Kazu Sívil ne’e han tempu naruk tanba sistema Tribunál mak hanesan ne’e duni, tanba ne’e mak iha tempu ida sei halo asaun rekursu ba Tribunál.

“Kona-ba kazu inan faluk Verónica Xavier ne’e, ami mós sei halo tuntutan ba advogadu husi defensor públiku ne’ebé abandona hela inan faluk Verónica Xavier nia Kazu,” nia promete.

 1,893 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Disputa Rai iha Bedois, Inan Faluk Verónic…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No