ADVERTISEMENT

SIKN Investiga Ona Ema Na’in-8 ba Kazu Bero Vidru-22

Mario da Costa - Justisa
Reportajen : Beatriz Belo
Editor : Mario da Costa
  • Share
Portavós Komandu Jerál PNTL, Superintendente Xefe Arnaldo de Araújo. Imajen TP/Beatriz Belo

DILI (timorpost.com) – Servisu Investigasaun Kriminál Nasionál (SIKN), halo ona identifikasaun  ba pesoál ka membru autoridade na’in-ualu ne’ebé halo nia knaar iha Portu Dili, tanba deskonfia sira mak fasilita Ró Pasajeiru Berlin Nakroma tula  ilegál Bero Vidru hamutuk 22, husi Surabay-Indonézia mai iha Portu Dili, tanba laiha lista manifest ruma.

Portavós Komandu Jerál PNTL, Superintendente Xefe Arnaldo de Araújo,  hatete Ró pasajeiru Berlin Nakroma tula sasán mai husi Surabaya, mai to’o iha portu Dili, hafoin parte husi investigasaun Kriminál Nasionál simu informasaun  katak, laiha lista manifest ruma kona-ba sasán sira ne’ebé sira tula mai husi Surabaya,  tanba ne’e, parte SIKN halo kedas intervensaun emidiata ba kazu ne’e.

ADVERTISEMENT
SCROLL FILA BA NOTISIA

“Ha’u atu informa ba ita boot sira katak departamentu investigasaun kriminál iha loron (08/10) iha oras 04:00 lokraik, simu informasaun relasiona ho Ró pasajeiru Berlin Nakroma ne’ebé tula Bero vidru hamutuk 22 no sasán furniture balun husi Surabaya mai iha portu Dili, maibé sein lista manifest ruma, tanba investigasaun kriminál Nasionál halo kedas intervensaun ba kazu ne’e,” nia hateten liuhusi konferénsia imprensa iha sentru formasaun Polisia Akademia, Komoro, Segunda (14/11).

Lee Mós:
Timor Agora : Kazu Oho-Malu (Omisídiu) Buras, Polítika Lei Sei Namlaek Nafatin

Nia dehan, relasiona ho kazu ida ne’e, ekipa investigasaun husi departamentu investigasaun kriminál Nasionál, halo intervensaun imediata no hala’o identifikasaun ba pesoál, membru no autoridade nain-8 ne’ebé halo knaar iha portu Dili, ne’ebé iha koñesimentu kona-ba kazu refere.

“Ita-nia investigasaun kriminál Nasionál, halo identifikasaun ba ema nain-8 no hodi foti sira-nia deklarasaun kona-ba kazu ne’e” nia konta.

Portavós Arnaldo haktuir, Ro Pasajeiru Berlin Nakroma ne’e, sai husi Dili iha loron ( 24/04/22) objetivu ba halo Manutensaun iha Surabaya durante fulan neen, maibé hafoin manutensaun ne’e, ró pasajeiru Berlin Nakroma fila husi Surabaya  atu mai Timor-Leste (TL).

“Nune’e, ita-nia Ró pasajeiru Berlin Nakroma ne’e, atu fila fali mai ita-nia rai Timor-Leste, maibé kompañia ne’ebé kompañia Raul Lemos, utiliza ne’e hodi haruka tula nian sasán Bero Vidru hamutuk 22 no sasán sira husi Surabaya mai iha portu Dili, maibé sein lista manifest, parte Alfándega mak deteta ka sira laiha dokumentu ruma kona-ba sasán sira ne’e,” nia dehan.

Lee Mós:
Estadu-Governu Tenke Sériu ho Kazu Droga no JB Mate Iha Sela

Tanba ne’e, parte Alfándega halo pasa revista ba Ró pasajeiru Berlin Nakroma, konsege deteta katak sasán ne’ebé ró pasajeiru Berlin Nakroma tula mai husi Surabaya ne’e laiha lista manifest ruma.

“Tan ne’e, ita-nia Alfándega husu na’in ba sasán, Raul Lemos atu aprezenta dokumentu ka lista manifest ruma, maibé sira laiha dokumentu ruma, tanba ne’e ita parte investigasaun halo kedas intervensaun imediata ba sasán sira ne’e,” nia informa.

Tanba nee, Servisu Investigasaun Kriminál Nasionál halo ona Prosesu ba ema nain-8 ne’ebé halo knaar iha portu Dili, kona-ba iha koñesimentu kona-ba kazu ne’e no agora iha faze elaborasaun autos, espera ohin loron bele entrega ba iha Ministériu Públiku.

Lee Mós:
Deskonfia Falsifika Dadus Veteranu, SIKN Kaptura JAMX

“Ema na’in-ualu ne’ebé ita Servisu Investigasaun Kriminál Nasionál halo identifikasaun ne’e, ha’u la bele fó sai sira-nia inisiál, tanba iha hela prosesu investigasaun, ita mós bele dehan iha mós Prezidente APORTIL ka lae, maibé sira ne’e mak ita bolu hotu ba halo identifikasaun kona kazu ne’e,” nia dehan.

Nia hatutan, kona-ba kazu ne’e bele mós aban ka bain-rua parte servisu investigasaun kriminál Nasionál, atu haruka ba iha ministériu públiku, hafoin iha Ministériu mak foin hatene katak ema sesé hodi ba ne’ebá, maibé daudaun ne’e la bele fó informasaun lai.

Enkuantu, nia dehan, sasán sira ne’ebé sira prende ne’e, agora sei kontinua iha hela portu Dili.

 691 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SIKN Investiga Ona Ema Na’in-8 ba Kazu Bero Vid…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: