ADVERTISEMENT

KAK Buska MAPKOMS, Governu Kolabora ho Autoridade Judisiál

Mario da Costa - Justisa
Reportajen : Jaime Pires
Editor : Asisten Hermenegildo da Costa Tilman
  • Share
Ministru Prezidensiál Konsellu Ministru, Fidelis Magalhães, Imajen TP/Jaime Pires

DILI (timorpost.com) — Relasiona ho Komisaun Anti Korrupsaun (KAK), halo buska ba Ministru Asuntu Parlamentár no Komunikasaun Sosiál (MAPKOMS), Francisco Jerónimo, iha Palásiu Governu, Portavós Governu, Fidelis Magalhães, hatete Governu sempre kolabora ho autoridade Judisiál sira.

“Governu sempre prontu hodi koopera ho instituisaun Judisiáriu sira ho nia órgaun sira hotu, kada vés iha pedidu ba informasaun no dokumentu sira Governu sempre fó ba sira, tanba Governu hakarak órgaun Judisiál sira iha Timor-Leste tenke forte no kapavel duni,” nia hateten iha Palásiu Governu, Kuarta (19/10).

Ho ida ne’e Governu hakarak konfirma, laiha membru Governu ida mak Konstituidu hanesan arguidu ka akuzadu ba prátika krime ruma. Tanba ne’e Governu hakarak reintera nia konfiansa ba autoridade Judisiál sira, espera órgaun sira ne’e sempre halo tuir kritériu sira ba independénsia no legalidade.

“Katak órgaun sira kuandu hala’o sira-nia kna’ar, sira halo duni ho forma independente no legál tuir duni lei sira ho loloos, no Governu mós destaka funsionamentu ba rejime Konstitusionál atu órgaun soberania sira bele la’o ho di’ak, Governu destaka importánsia rejimentu Konstitusionál ba imunidade ba titular sira órgaun soberania nian atu bele iha normál ba funsionamentu instituisaun sira liuliu iha konsolidasaun ba Estadu Direitu Demokrátiku,” deklara Fidelis.

Lee Mós:
Alkatiri Hamnasa Ema Barak Sai Juis ba Kazu Droga

Nia hateten, kona-ba KAK sira hato’o uluk informasaun ba Governu molok atu halo buska no apreensaun ne’e la importante, maibé importante mak interpretasaun loloos husi mandadu ne’e.

“Fó informasaun uluk ka la fó informasaun la importante, importante mak tenke interpretasaun husi mandadu ne’e ho loloos, katak bainhira Juis ida emite ona mandadu hodi bele buska no rekolla informasaun sira, importante mak mandadu ne’e dehan saida, mandadu dehan ba fatin ida ne’ebé no ba halo saida,” hateten nia.

Lee Mós:
Governu Xina Apoiu Mákina Teste DNA ba PSIK

Fó hanoin fali katak, iha loron Segunda Feira (17/10), Komisaun Anti Korrupsaun (KAK), halo buska no apreensaun ba Ministru Asuntu Parlamentár no Komunikasaun Sosiál (MAPKOMS), tanba relasiona ho projetu Set-Top Box.

 861 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KAK Buska MAPKOMS, Governu Kolabora ho Autorida…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: