ADVERTISEMENT

Hadau Malu Rai Ai-meti Laran, UNIJMA Informa ba PM Taur

Mario da Costa - Justisa
Reportajen : Jaime Pires
Editor : Mário da Costa
  • Share
UNIJMA Ativista Pro RDTL, hasoru Primeiru Ministru (PM), Taur Matan Ruak, Imajen TP/Jaime Pires.

DILI (timorpost.com) – Reprezenta UNIJMA Ativista Pro RDTL, hasoru Primeiru Ministru (PM), Taur Matan Ruak, hodi informa kona-ba kazu hadau malu Rai iha Ai-meti laran.

Tanba ne’e, Reprezentante UNIJMA Ativista Pro RDTL, Ivo de Jesus Siqueira, hatete ohin sira-nia parte mai hasoru Primeiru Ministru, hodi informa atu haree kestaun ida ne’e, tanba iha Tribunál taka malu hela de’it, no sadere liu ba ema osan iha sira ka hola rai refere.

“Ami-nia asaun ne’ebé durante Ami halo la’ós kontra Tribunál hanesan Estadu, maibé hanesan humanu ne’ebé Juiza Julmira tesi lia sala, tanba nia tuur de’it iha Tribunál ka kuartu laran, sadere liu ba osan na’in, Manuel Tilman maibé lakohi tun ba haree dokumentu no testemuña sira,” nia hateten iha Faról, Tersa (18/10).

Nia dehan, tanba rai iha Ai-meti Laran ne’e ida de’it no Manuel Gusmão, hela dezde iha tempu Portugés nia tempu, maibé agora ema na’in-haat mak hadau malu rai refere.

Lee Mós:
PM Konkorda ho UNIJMA Hadi'a Justisa Iha Timor-Leste

“Ho ida ne’e ami mai informa ba Primeiru Ministru, hodi haree didi’ak no tau kestaun ba ida ne’e hodi hamos tiha erru umanu ne’ebé buras nafatin iha Tribunál,” nia subliña.

Nia reforsa, sira halo asaun Pasífiku ida ne’e tanba la aseita ho desizaun Tribunál ne’ebé defende liu ema osan nain sira hodi halakon fali, ema ne’ebé hela iha rai ne’ebá dezde portugés nia tempu to’o agora.

Lee Mós:
Lei no Realidade Polítika Tuir Carl Schmitt

“Ho ida ne’e ami ezije ba maun Primeiru Ministru, hodi Juis sira ne’ebé taka malu iha Tribunál ne’e hasai tiha sira, hodi tau fali ema seluk,” nia hakotu.

 866 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hadau Malu Rai Ai-meti Laran, UNIJMA Informa ba…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: