ADVERTISEMENT

Kazu Hakanek Membru F-FDTL, TDD Aplika Prizaun Preventiva ba Arguidu Na’in-4

Mario da Costa - Justisa
Reportajen : Beatriz Belo
Editor : Mário da Costa
  • Share
Seguransa lori Arguidu sira ba Prizaun Preventiva, Kinta (08/09), Imajen TP/Beatriz Belo

DILI (timorpost.com) – Tribunal Distrital Dili (TDD),  aplika medida koasaun Prizaun Preventiva ba aguidu na’in-haat ne’ebé envolve iha kazu hakanek membru FALINTIL- Forsa Defeza Timor-Leste (F-FDTL), Primeiru Serjentu Joanico Baptista, iha area Bidau Akaderi-Hun.

Iha primeiru interogatóriu Ministériu Públiku promove arguidu sira ho krime tolu pertubasaun orden públiku, Ofensas Korporais Grave, obstrusaun ba autoridade no Danu Com Violénsia, ne’ebé previstu hosi kódigu penál Timor-Leste.

ADVERTISEMENT
SCROLL FILA BA NOTISIA

Iha julgamentu ne’e, Ministériu Públiku alega arguidu sira ho medida prizaun preventiva, tanba iha sala julgamentu arguidu na’in-haat ne’e nega faktus ne’ebé sira komete iha area Bidaun Akadiru-Hun.

Tanba ne’e mak Ministériu Públiku husu Tribunál aplika medida prizaun preventiva ba arguidu Na’in-haat atu asegura iha prizaun sira bele kolabora nafatin ho parte judisiáriu tanba prosesu investigasau ba arguidu sira sei kontinua la’o, tanba presiza asegura sira ho medida koasaun prizaun preventiva.

Kuadu husik arguidu sira ne’e iha li’ur sira bele halai no bele halakon faktus sira.

Enkuantu, parte defeza husu ba Tribunál atu aplika medida koasaun Termu Identidade Rezidensia (TIR) no Aprezentasaun Períodika ba arguidu na’in-haat.

Lee Mós:
Kazu Set-Top Box RTTL-EP, KAK Kontinua Buska-Apreensaun Iha Gabinete MAPKOMS

Hafoin rona tiha parte hotu Tribunál hasai desizaun hodi aplika medida koasaun prizaun preventiva ba arguidu na’in-haat ne’ebé envolve iha kazu hakanek membru FALINTIL-Forsa Defeza Timor-Leste (F-FDTL), Primeiru Serjentu Joanico Baptista, iha area Bidau Akaderi-Hun foin lalais.

Enkuantu atu hatán ba desizaun ne’e parte Defeza arguidu na’in-haat,  Marino da Cruz de Jesus, hatete nia parte la simu desizaun Tribunál ni’an ne’ebé aplika medida koasaun prizasaun preventiva ba arguidu na’in-haat.

Tanba, arguidu na’in-haat ne’e la envolve direita ba kazu konfrontu ne’ebé akontese iha Bidau Akaderi-hun tanba balun hela iha Laulara Postu Administrativu Aileu Villa, nune’e mak polisia sira ba halo kapturasaun iha sira nia rezidénsia.

Nia dehan, polisia halo kapturasaun ba arguidu sira bazeia ba de’it filmajen ne’ebé fó sai iha média sosiál.

“Tanba ne’e ha’u hanesan defeza haree desizaun Tribunál nian ne’e la justu no ha’u sei halo rekursu kontra desizaun tribunál nian ba kazu ida ne’e ” hateten Advogadu Privadu Arguidu sira nian.

Lee Mós:
Kadete Foun F-FDTL Na'in-2 Rezigna An

Nia dehan, iha loron 15 nia laran nia sei prepara rekursu hodi kontra desizaun Tribunál nian.

Antes ne’e, Polisia Nasionál Timor-Leste (PNTL), liuhosi Servisu Informasaun Polisia (SIP) Servisu Nasionál Intelijénnsia (SNI), no Serbisu Informasaun Militár (SMI/J2), detein ona suspeitu nain lima (5), ne’ebé envolve iha kazu konfrontu hodi tuda kanek membru FALINTIL-Forsa Defeza Timor-Leste (F-FDTL) hosi komponente Naval, Primeiru Sarjentu Joanico Baptisita iha area Bidau-Akadiru-hun.

Kazu baku membru F-FDTL ida hosi Kompinente Naval Primeiru Serjentu Joanico Baptista iha area Bidau Akaderu-hun iha Segunda (05/9), tuku 17:00 bainhira membru tenta atu hakalma situsaun konfrontu ida ne’ebé mosu iha area ne’ebá, maibé lakonsege tama ema barak entaun nia hetan tuku, tebe, baku to’o tuda kanek tiha membru F-FDTL ne’e nia uluk.

Hafoin simu informasaun, Xefi Servisu Informasaun Polisia orienta kedas nia membru sira halo vizilánsia durante 24 horas nia laran buka informasaun no konsege kaptura suspeitu sira iha fatin hat maka hanesan, Becora, Lahane, Bairru-Pité, Audian no Matadouro.

Lee Mós:
MP Alega Diretór Ajénsia New Generation Prizaun Preventiva

Operasaun ida ne’e, realiza tanba halo ona koordenasaun ho autoridade judisiáriu kompetente no oras ne’e Komandu PNTL hatun ona diretiva ba Komandante SIP hodi intensifika Autór sira seluk ne’ebé envolve iha kazu ida ne’e.

Suspeitu na’in-haat (4) ne’ebé ekipa konjunta detein maka hanesan, RXS (27), PPDC, CCDC (30) no DDS (23).

Oras ne’e, Xefi ekipa Serbisu Informasaun Polisia (SIP) entrega ona suspeitu sira ba Servisu Investigasaun Kriminál Nasionál (SIKN), hodi halo prosesu investigasaun no detein durante 72h tuir lei molok aprezenta ba Ministériu Públiku hodi submete porsesu Interogatóriu dahuluk iha Tribunál Distritál Dili (TDD).

Iha Audensia julgamentu ne’e prezide husi Juiza Sigular Maria Solana, Ministériu Públiku reprezenta husi Prokuradór Domingos Bareto, no arguidu hetan asistensia legal hosi Advogadu Privadu Sergio Lobo Junior no Advogadu Privadu Marino da Cruz de Jesus.

 1,458 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Hakanek Membru F-FDTL, TDD Aplika Prizaun …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: