ADVERTISEMENT

Ministru Justisa Hakfodak TDD Foti Desizaun ba Kazu Droga

Mario da Costa - Justisa
Reportajen : Jaime Pires
Editor : Mário da Costa
  • Share
Ministru Tiago Amaral, Imajen TP/Jaime Pires

DILI (Timor Post) – Ministru Justisa, Tiago Amaral, hakfodak tanba Tribunal Distrital Dili (TDD), fó de’it TIR (Termu Identidade Rezidénsia) ba suspeitu sira kazu droga, no kondena sira la tuir Lei droga ne’ebé vigor iha Timor-Leste.

“Nu’udar Ministru Justisa hatene no komunidade tomak hatene katak ita iha Lei espesiál kona-ba ilísitu droga ninian Lei ne’e mak N⁰. 02/2017 ne’ebé regula droga,” nia hateten iha Palásiu Governu, Kuarta (17/08).

ADVERTISEMENT
SCROLL FILA BA NOTISIA

Nia esplika, iha Lei ne’e nia laran define, ema sira ne’ebé tuur de’it iha uma mak konsumu droga de’it mós ameasa kadeia husi tinan 2 to’o tinan 12.

Lee Mós:
Liberta Longuinhos Monteiro, CNRT Hakaruk ba Desizaun Tribunál

“Lei ida ne’e ko’alia lia espesiál ba droga N⁰. 02/2017, no Lei ne’e agora aplika no vigor hela iha Timor-Leste, no Lei ne’e kalan ema ne’ebé tuur de’it iha uma ka iha servisu fatin de’it mak kusumu mós krime no ameasa kadeia tinan 2 to’o tinan 12, iha lei espesiál ne’e nia laran mós iha artigu sira ne’ebé ninia pena ne’e maka’as tebes,” hateten nia.

Nia hatene tanba ne’e krime droga la’ós krime baibain ona, tanba ida ne’e bele fó ameasa ba joven sira-nia vida no nasaun ida ne’e nia vida ba risku.

Lee Mós:
Sofre Desizaun Tribunál, Xanana Defende Vítima Uma-Kain 7

“Tanba ne’e ami hakfodak bainhira prokurador sira lori fali artigu ida ne’ebé ninia pena ne’e la maka’as mak kondena suspeitu sira droga ne’e, tanba ezemplu iha artigu 07 husi Lei N⁰ 02/2017 kona-ba droga ne’e dehan, sira tuur de’it iha uma mak uza mós krime ona ameasa kadeia tinan 2 ba to’o tinan 12,” reforsa nia.

Ho ida ne’e nia parte mós konsidera Prokuradór sira la uza Lei espesiál droga nia mak uza hodi akuza suspeitu sira ne’e, no ladún fó normas ba Lei droga ne’ebé vigor iha Timor-Leste.

Lee Mós:
Konsidera Buska Ilegál, TDD Liberta Arguidu Longuinhos Monteiro

“Ministériu Justisa nota no sujere ba Ministériu Públiku presiza tau atensaun didi’ak ba Lei N⁰.02/2017 iha artigu hitu ko’alia momós iha ne’ebá, tanba ne’e prokurador sira presiza haree fali,” hateten nia.

 1,471 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ministru Justisa Hakfodak TDD Foti Desizaun ba …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: