Julio Tomas Pinto presta Deklarasaun iha KAK kona-ba Kazu Portu Hera

by -11 views

DILI—Eis Sekretáriu Estadu Defeza Júlio Tomas Pinto (JTP), Kinta (05/12/2019), kuaze oras tolu nia laran presta deklarasaun nu’udar sasin iha Komisaun Antí Korrupsaun (KAK) kona-ba kazu konstruksaun Portu Hera.

Hafoin presta deklarasaun, JTP sai husi edeífiu KAK iha oras, tuku 11:25, sa’e kedas karreta privadu no jornalista sira la konsege halo entrevista.

Portu Hera hahú konstruksaun iha governasaun dahaat lideradu Primeiru Ministru Xanana Gusmão. Iha momentu ne’eba Xanana assume mós pasta Ministru Defeza.

Projeiru ne’e ho karater single source governu indika kompañia internasional ida husi Austrália ho naran Lifese Engineering Pty Ltd.

Portu Hera ne’e governu hakarak konstroi hodi fasilita movimentasaun forsa armada nian liuliu komponente naval.

Konstruksaun seidauk hotu, portu ne’e tohar hikas, Kompania Lifese Engineering Pty Ltd soe hela nia responsabilidade maske governu halo ona pagamentu sorin.

Orsamentu ba konstrusaun ne’ebé governu halo kontratu ho kompania Lifese Engineering Pty Ltd hamutuk, tokon $ 7. 017.705 (cao)