José Reis hetan Konfiansa ba Primeiru Ministru Interinu

by -529 views

Timor Post (22/12/2020)- Primeiru Ministru Taur Matan Ruak,  foti  lisensa anuál loron 13 no fó fiar ba Segundu Vise-Primeiru Ministru José Maria Dos Reis ba Primeiru Ministru Interinu.

Tuir komunikadu imprensa ne’ebé mak Timor Post asesu, Primeiru Ministru Taur Matan Ruak, sei auzénsia servisu hosi loron 22 fulan Dezembru 2020 ohin to’o loron 4 fulan Janeiru tinan 2021.

Iha komunikadu sita katak, férias ne’e realiza tuir termu alínea a), númeru 4, artigo 10º, Lei 7/2007, loron 25 Jullu.

Durante iha auzénsia serbisu ne’e, Vise-Primeiru-Ministru, José Maria dos Reis, mak sei substitui nu’udar Primeiru-Ministru Interinu, konforme previstu iha artigu 6º, númeru 4, Dekretu-Lei 14/2018, 17 agostu, alteradu ba Dekretu-Lei nº 27/2020, loron 19 Juñu, Orgánika VIII Governu Konstitusionál.

Durante auzénsia nia laran, Sua Exelénsia Primeiru-Ministru, Taur Matan Ruak iha de’it rai laran, hodi goza lisensa anuál hamutuk ho família.  Xefe Governu sei hala’o filafali serbisu hanesan baibain iha 5 janeiru tinan 2021.

Jornalista: Jaime Pires

Editor: Mariano Martins

No More Posts Available.

No more pages to load.