João Pedro Mellor Jogadór TL Versaun Simón Elissetche

by -228 views

Timor Post (13/12/2020)-Treinadór Lalenok United FC, Simón Elissetche konsidera avansadu AD-SLB Joao Pedro maka futebolista di’ak liu iha Timor-Leste.

Ellisetche hatete ne’e iha ámbitu jogu final Kopa 12 Novembru 2020 Estádiu Munisipál Dili (12/12) entre Lalenok United FC vs AD-SLB ne’ebé Lalenok maka manan (4-1) liuhosi drama suta penalidade no kampiaun ba dala-rua.
Treinadór ne’ebé termina nia ho Lalenok United iha (10/12) ne’e, dehan bainhira nia muda ba Malaysia nia sei hodi ho JP hodi reforsa klube ne’ebé nia sei lidera iha Malaysia.

“Ha’u nia kontratu ho Lalenok iha loron 10 fulan Dezembru ne’e, maibé posibilidade sei lori Lalenok kompete tan iha Super Taxa, depois ba ka’er fali klube ida iha Primeiru Divizaun liga Malaysia nian. Ha’u ba Malaysia ha’u sei lori mós João Pedro hanesan jogadór di’ak liu iha Timor-Leste no nia iha esperiénsia jiga iha rai li’ur entaun ha’u hakarak lori nia hodi bele ba kompete iha nivel Azia”, promete treinadór hosi nasaun Chile ne’e.

“Iha Malaysia klaru ona ha’u ba, nia mós ba agora hein de’it billete atu arranka, agora sei prepara hela”, adianta Simon.
Relasiona ho novidade ne’e jornalista konfirma direta ho jogadór no nia hatán seidauk bele fó komentáriu.

“Ha’u seidauk rona informasaun loos ne’ebé ha’u labele ko’alia, bainhira klaru ona ha’u mak ha’u bele fó informasaun,” hatete João Pedro.

João Pedro halo estájiu no joga iha klube Sporting Braga- Portugal iha tinan 2017, no joga iha klube Ubon United iha Tailándia iha tinan 2018 no 2019.(Jornalista: Jaime Pires)

No More Posts Available.

No more pages to load.