Timor Post (09/12/2020)—Bankada CNRT iha Uma Fukun Parlamentu Nasionál lansa komunikadu ba imprensa iha selebrasaun Loron Mundiál Antí Korrupsaun hodi kontinua bolu atensaun ba órgaun estadu ho baze relatóriu auditoria Kámara Kontas atu lori kazu ró Haksolok ba Tribunál.
Bankada CNRT defende katak, tempu to’o ona atu lori autór Ró-ahi Haksolok ba tribunál, tanba durante ne’e adversáriu partidu lideradu Kayrala Xanana Gusmão ne’e sempre lori asuntu korrupsaun hodi halo propoganda baratu.
“Bankada CNRT aproveita loron ohin ne’e atu deklara ba públiku katak membru governu ne’ebé lidera hosi CNRT iha tinan 10 ikus ne’e, hetan ona prosesu sira ne’ebé liga ba prátika transparénsia no akuntabilidade,” subliña iha komunikadu ne’ebé Timor Post asesu.
CNRT nia haree katak balun kumpri ona prosesu hirak ne’e no tama iha tribunál no balun tan hetan ona desizaun final ba aktu ne’ebé fo prejuízu ba osan estadu nian.
Tuir karta komunikadu ne’e hatete katak krize finanseiru ne’ebé komete hosi ema nain ida de’it, Prezidente RAEOA, Mari Alkatiri husi livre de’it liu hosi akizasaun no pagamentu ba Ró-ahi Haksolok ne’e fo ona prejuízu ba estadu millaun $ 20 resin, folin kada $ 450, sosa aviaun uzadu, iregularidade iha prosesu aprozionamentu Aeroportu Rota Sandalo, hotel fitun lima Ambeno no krime finanseiru seluk ne’ebé relata iha relatóriu auditória Camâra de Contas nian.
Tan ne’e, bankada CNRT lamenta tanba Xefe governu de faktu ne’ebé badinas halo retórika atu promove transparésia no akuntabilidade maibe iha prátika hakarak atubtau tan osan millaun $ 16.9 atu selu ba objetu krime ne’ebé iha hela prosesu investigasaun nia laran.
Bankada CNRT husu ba orgaun justisa liuliu MP no KAK atu halo knar ho profesional no imparsial atu lori justisa ne’ebé justu ba ema hotu, espesialmente krime finanseiru relasiona ho Ró-ahi Haksolok. (Jornalista : Julio Salinas Soares)
848 total views, 3 views today
Oinsa Ita nia Reaksaun iha Notisia Nee?
You have reacted on “CNRT Lansa Komunikadu iha Selebrasaun Loron Mun…”
Bele hare Video Seluk :
Subscribe to Timorpost1
/
1948
BOMBEIRUS SELEBRA ANIVERSARIU BA DALA 24
ME HAMUTUK HO UNFP LANSA FASILIDADE KUIDADU SAÚDE IHA ERMERA
APS SEI MONTA TAN POSTU BOMBEIRUS IHA FATIN 7
1
/
1948
