DILI, (timorpost.com)— Primeiru Ministru (PM), Kay Rala Xanana Gusmão, promove nia oan mane, Kay Olok Sword Gusmão, atu oinsá bele sai lider iha futuru liuhosi asaun karitativa ba povu Timor-Leste.
Promosaun ne’e hala’o liuhosi asinatura akordu servisu entre sala de leitura Xanana Gusmão no ekipa apoiu Kay Olok, ho tema “Hamutuk dezenvolve Timor-Leste hasa’e prosperidade umana liuhosi asaun karidade no páz” ne’ebé realiza iha salaun Uma Laku Xanana Reading Room, Lesidere-Dili, Segunda, (20/11/2023).
Liuhosi asaun karitativa ne’e maka Kay Olok bele hetan konfiansa husi povu Timor-Leste atu bele ukun nasaun ida-ne’e iha futuru.
Xefe Komisaun Organizadora, Platao Lebre, hatete, nia ladún fiar-an atu bele halo misaun ida ne’ebé maka lidera husi Kay Olok, ne’ebé daudauk sai Fundasaun Kay Olok, maibé tanba hetan apoiu husi Sala Leitura Xanana Gusmão, atividade ne’ebé fundasaun Kay Olok sei hala’o ho suessu.
“Ami dehan misaun ida-ne’e imposível, oinsá atu bele hetan konfiansa husi maun boot Kay Rala Gusmão, maibé grasa hetan kofiansa duni ba ami-nia ekipa”, Xefe Komisaun Organizadora Fundasaun Kay Olok, hatete.
Nune’e ekipa apoiu Kay Olok, selebra asina akordu Sala Leitura Xanana, atu halo servisu, no halo akordu ho telekomunikasaun Telemor atu halo servisu hamutuk hodi ajuda servisu povu nasaun ida-ne’e.
Enkuantu programa barak maka Fyndasaun Kay Olok, atu hala’o maka 28 Novembru sei promove Prezidente Fundasaun Kay Okok, Kay Olok Sword Gusmão, sai embaixador joven iha Timor-Leste husi Plan Internasionál, nune’e sei halo planu atu ajuda ba akontesimentu iha Lourba nian.
Iha fatin hanesan, Konseléiru ekipa Fundasaun Kay Olok, Samuel Marçal, sente kontente tanba hetan konvida iha Domingu, 19/11/2023, atu sai konseléiru ba fundasaun Kay Olok, maibé antes sai konseléiru nia husu katak daudauk ne’e Kay Olok sai ona assesór iha Ministériu Obras Públiku, agora nia ba atu ajuda oinsá, maibé nia rekuñese figura Kay Olok durante ne’e influénsia ona iha públiku, liuliu ba povu Timor laran tomak atu bele promove iha futuru.
“Ami la’o fatin barak kuaze ema bolu maka Kay Olok, maibé ema barak ne’e mai bolu naran ne’e Feto mak barak”, katak Samuel.
Tanba ne’e maka aproveita estrutura no konseléiru tomak fó apoiu saida maka Kay Olok atu halo ba ema sira, ne’e oportunidade di’ak ba Kai Olok atu promove-an.
“Ami hotu, ita hotu iha Kay Olok nia kotuk, para ita saida maka Kay Olok atu halo ita hotu buka dalan para ita la’o di’ak”, MOP ne’e hatete.
Konseléiru Sala Leitura Xanana Gusmão, Dulce, hanesan konsellu prontu atu fó apoiu ba Kay Olok nia atividade atu rejlzista para eziste hanesan fundasaun iha Timor-Leste.
“Ami hotu prontu apoiu ba Fundasuan Kay Olok atu halo kna’ar misaun no vizaun fundasaun Kay Olok ne’e bele ajuda ba Timoroan, liuhosi karitativa”, Dulce esplika.
Prezidente Fundasaun Kay Olok, Kay Olok Sword Gusmão, agradese ba nia ekipa tomak ne’ebé esforsu konsege realiza akordu ne’e para atu bele ajuda Timoroan sira iha nasaun ida-ne’e.
“Ha’u hato’o agradese ba ha’u-nia ekipa tomak, serimónia ida-ne’e hanesan pasu ida importante atu servisu hamutuk ho Xanana Reading Room, fundasaun Kay Olok hakarak apoiu ba feto no labarik sira liuliu edukasaun no saúde, asina akordu ida-ne’e loke dalan ba ami atu partisipa iha dezenvolvimentu nasionál”, Prezidente Fudasaun Kay Olok, Kay Olok Sword Gusmão, hatete.
Entretantu Priméiru Ministru (PM), Kaya Rala Xanana Gusmão, marka prezensa iha serimónia ne’e maibé la hato’o diskursu. Aleinde ne’e membru Governu sira prezensa mak, Ministru Obras Públika, Ministra Edukasaun, Xefe kaza Sivíl Prezidensiál, Sekretáriu Estadu Arte no Kultura no reprezentante ministériu sira seluk.(*)
987 total views, 6 views today
Bele hare Video Seluk :
Subscribe to Timorpost
