DILI (timorpost.com)—Jurista Timoroan, Alexandre Cortereal Araújo, liu husi nia intervensaun relasiona ho statementu diretora ezekutivu sentru formasaun (SFJJ), ne’ebé hatete tinan oin sei rekruta tan asesór internasionál hodi reforsa setór justisa iha area jurídika nian.
“Ita lalika preokupa ho kontratu boot, la iha problema, tanba ita presiza duni sira nia espesialidade para mai halo asesoria ba area ne’ebé ita presiza, ezemplu hanesan area jurídiku, nian, tanba asesoria internasionál ne’e, ema iha kualifikadu no skill ne’ebé kredivel,” Alexandre dehan ba Timor Post, Domingo (19/11).
Nia afirma, kona-ba asesoria nasionál tenke liuhusi estandarte ida, tanba asesoria nasionál ne’e la’ós sira nia profisaun, normalmente hanesan konfiansa polítiku, tanba as vezes membru balun iha partidu nia laran hamutuk signifika kualidade hanesan sarjana ou esperiénsia ruma, entaun ne’e sira bolu ba ona, ida ne’e sira la hare ba area, maibé konfiansa partidu hodi bolu.
“Maibé, ita tenke estabelese nian estandarte saláriu ne’e, ida ne’e maka too agora seidauk tuir estandarte polítiku sira foti la bazeia estandar ruma, ho ida ne’e konfiansa husi polítika de’it,”dehan nia.
Tuir nia katak, asesoria internasionál ne’e liu husi vaga maka sira apply hodi hatudu sira nian skill iha area determinadu no sira hatudu husi sira nia sertifikadu, entaun diferensa ne’e iha ne’e.
“Agora ita nia governu nia falta mak ne’e, la iha baze legal ida kona ba saláriu asesoria internasionál no nasionál, tuir lolos nee tau para públiku sira la bele preokupa, entaun ida ne’e konsidera failansu ida husi Governu, “akresenta nia.
Aleinde Vise Ministru Justisa fortalesementu Institusionál, Paulo Manuel da Silva dos Remédios hatete, dala barak públiku sira kritika iha media no jornál asesoria internasionál saláriu boot.
” Ita hare ema barak kritika iha media no jornál katak saláriu asesór internasionál sira boot maibé la iha kualidade, ida nee tebes ita tenke troka ida ne’e, nusa mak ita la fó saláriu boot asesór nasionál, ita tenke fó saláriu boot ba ema estranjeiru, “akresenta nia.
Tanba nee nia dehan, tenke fó formasaun, sira ne’ebe mai husi estranjeiru sira la iha kursu asesór sira mai iha nee 10 mill, 15 mill inklui 20 mil, maibé asesoria Timoroan la too mill dolar.
411 total views, 3 views today
Bele hare Video Seluk :
Subscribe to Timorpost
