DILI, (timorpost.com) — Delegasaun Timor-Leste liuhosi Asosiasaun Enjinaria Petróliu Timor-Leste (AETL) partisipa iha reuniaun kona-ba Carbon Capture and Storage (CCS) iha Jakarta-Indonézia, hodi ko’alia kona-ba investimanentu ba Mina no Gas ho nia implikasaun ba ambiente.
Tuir informasaun ne’ebé Timor Post asesu husi Delegasaun Timor-Leste ne’ebé partisipa reuniaun iha Jakarta, Noventino Fernandes, hatete, maske nia husi AEPTL maibé ninia partisipasaun, ne’e reprezenta Governu iha forum refere.
“Ami-nia prezensa ne’e reprezenta Estadu no Governu Timor-Leste, maske ami mai husi Asosiasaun Enginaria Petroleu Timor-Leste, entaun durante enkontru ami observa, rona nasaun membru sira ne’ebé ko’alia kona-ba investimentu mina no gás ho ninia implikasaun ba iha Ambiente”, Reprezentante Delegasaun TL, Noventino Fernandes, informa ba Timor Post husi Jakarta, via WhatsApp, Sabadu,18/11/2023.
Objetivu husi partisipa iha reuniaun CCS ne’e hodi rona, kona-ba estratejia nasaun sira produtivu mina no gás ne’ebé fó impaktu ba ambiente bainhira halo produsaun, tanba iha reuniaun ida-ne’e membru CLDP, husi nasaun sira ne’e ko’alia liu-liu ba dezenvolvimentu harmonizasaun legais sira no mós regulasaun servisu liga ba produsaun karbon ka gás ne’e rasik.
“Ne’ebé iha reuniaun ne’e ami bolu ho lia ingles, Developing Harmonized Lagal and regulatory frameworks for carbon capture and storage, ne’e durante loron ida horiseik sesta,17 Novembru ne’e ami ko’alia”,hakotu Noventino.
Reuniaun ne’e hala’o durante loron ida tomak iha loron 17 fulan-Novembru 2023 iha Jakarta, no hetan partisipasaun husi nasaun membru ASEAN ne’ebé liga ho investimentu iha área mina no gas.(*)
543 total views, 9 views today
Bele hare Video Seluk :
Subscribe to Timorpost
