DILI (timorpost.com) – Jurista Timoroan, Sergio Dias Quintas, observa katak eleisaun suku ronde daruak la’o ho di’ak no hakmatek maske tasa partisipasaun iha eleisaun ne’e menus oituan.
“Tuir ha’u -nia hanoin eleisaun suku ba segundu ronde ne’e la’o hakmatek no simples tanba kandidatu na’in -2 de’it maka kompete maibé ânimo populasaun maka menus, tanba efeitu husi eleisaaun priméira volta ladún organiza di’ak,” Kestaun ne’e hato’o husi Jurista Timoroan, Sergio Dias Quintas, ba Timor Post iha Tribunál Judisiál Primeira Instánsia Dili ( TJPID), Tersa (14/11/2023).
Jurista ne’e fó komparasaun katak eleisaun suku priméira volta ne’e ema ladún partisipa, tanba organiza maka ladún di’ak, tanba ne’e sidadaun barak la partisipa iha eleisaun refere. Ba futuru presiza hadi’a di’ak liután, ba oin labele akontese tan situasaun hanesan iha votasaun ronde dahuluk ba eleisaun suku nian.
“Ita espera katak iha futuru Governu bele hadi’a hikas fallansu sira ne’ebé mak iha, atu nune’e ba futuru labele akontese tan fallansu sira ne’e”, Ni hatete.
Eleisaun suku ronde dahuluk ne’ebé realiza iha loron 28 fulan-Outubru liubá públiku kestiona katak falla tanba eleisaun ba xefe suku, xefe aldeia inklui delegado no delegada nian dala ida no vota hamutuk iha urna ida de’it maibé ba oin Governu presiza hadi’a. atu nune’e fsilita di’ak liután komunidade sira ba vota no la presiza vota to’o kalan bo’ot.(*)
1,249 total views, 12 views today
Bele hare Video Seluk :
Subscribe to Timorpost
