DILI (timorpost.com)—Membru Parlamentu Nasionál (PN), liu husi Komisaun A ne’ebé trata ba asuntu Justisa no Konstitusionál husu ba Komisaun Funsaun Públika (KFP), atu hadi’a mekanizmu servisu iha Funsaun Públiku.
Deputadu Romeio Moizes, hatete sistema teste eletróniku ba funsionáriu públiku tuir teste dala barak ona hosi faze dahuluk to’o datoluk maibé la liu nafatin liuliu funsionáriu sira serbisu nunka tur iha komputadór nia oin hanesan dasa rai, kanalizadór, eletrisista, hanoin KFP presiza foti desizaun ona labele depende makaas ba sistema modernizasaun teste eletróniku ne’e.
“Sistema ida ne’e presiza hadi’a presiza foti desizaun ona labele depende makaas ba sistema modernizasaun teste eletróniku ne’e, tanba sira nunka servisu ho komputadór maibé bolu sira ba tuir teste liuhosi eletrónika”. Haktuir membru Komisaun A, ba jornalista sira iha Madatouro, Kinta (21/09).
Polítika fiskalizasaun mai Komisaun Publika ne’e halo observa direita ba servisu KFP nian liga ba kestões no preokupasaun ne’ebé maka Komisaun ne’e hasoru durante ne’e.
“Kestaun seluk husi fiskalizasaun ne’e foka ba sistema teste eletrónika, mekanizmu kontrolu traballu ne’ebé tama iha kazuista, ajente administrasaun públiku, reforma pensaun, idade efetivu servisu iha funsaun publika no prosesu ba oin ne’e oinsá no mós kestaun kona bá saláriu mínimu nune’e mós kestaun kona bá kargu xefia tanba sá maka troka ba mai, ezonerasun ho nomeiasaun sira ne’e hotu presiza haree no hadi’a”.
Hatán ba preokupasaun hirak ne’e, Prezidente KFP, Faustino Cardoso, hateten tuir dadus KFP rejista funsionáriu 406 laiha diploma, maibé sira hatene telefone no iha abilidade literasia iha maibé abilidade dijitál menus.
Entaun komisaun hahú serbisu hamutuk ho Institutu Nasionál ba Administrasaun Públika (INAP) hodi fó formasaun ba funsionáriu sira la’o tiha ona hahú hosi Ainaru tanba barak liu iha ne’ebá, no formasaun mós iha Baukau.
“Maibé bainhira mai prosesu teste mós Komisaun Funsaun Públika halo simulasaun, ne’ebé Deputadu sira lalika preokupa ha kondisaun atu hakat liu,” nia dehan.
Kona-ba funsionáriu sira teste faze dala barak ona la liu, KFP kontinua hala’o tanba lei mak hateten komisaun aplika tuir lei de’it.
Aleinde ne’e, Prezidente KFP ne’e hatán kona-ba teste eletróniku ninia siziliu no matéria iha Komisaun Funsaun Públika rasik iha ekipa ida hodi haree ne’ebé lidera direta hosi Prezidente KFP rasik ne’ebé garante ninia sizíliu, no kona-ba matéria la hanesan korresponde ba grau ida-idak no matéria abranje ba buat oioin.
ohin loron ita nia titulares kargu xefia sira ne’e la iha ida ke sira mai husi em nome instituisaun maibé nomea temporariu ne’ebé tuir lei ne’e ba fulan neen no sei estende tan ba fulan neen maibé sira uluk ne’e assume too tinan no ba tempu naruk, ne’ebé aumenta tan ho mudansa governamentál ne’ebé lei kabe ba sira rasik maka atu deside, ne’ebé komisaun simu proposta no apresia ne’ebé prenxe rekizitu grau mínimu no avaliasaun dezempeñu oinsá, no prosesu dixiplinár nee oinsá.
Entretantu husi vizita fiskalizasaun ne’e lideradu husi Vise Prezidente Komisaun A trata asuntu Justisa no Konstitusionál iha Parlamentu Nasionál (PN), lideradu hosi Deputadu António Verdiál de Sousa ho membru komisaun, hodi haree direta serbisu Komisaun Funsaun Públika iha edifísiu KFP, Madatouro, Dili.
679 total views, 3 views today
Bele hare Video Seluk :
Subscribe to Timorpost
