Dili (timorpost.com)—Prezidente Repúblika (PR) José Ramos-Horta partisipa iha Citigroup’s Global Innovation Challenge ba Seguransa Alimentár ne’ebé hala’o iha sede Citigroup iha Nova Yorke.
Tema diskursu Citigroup’s Global Innovation Challenge ba Seguransa Alimentár 2023: “Investor iha Seguransa Alimentár: Solusaun Sira inovadora hodi enfrenta krize hamlaha globál”.
Partisipasaun Prezidente iha eventu ne’e subliña nia kompromisu hodi ko’alia krize hamlaha global liu hosi solusaun sira inovadora.
Iha nia diskursu subliña importánsia investimentu iha seguransa alimentár no inovasaun hodi enfrenta problema ne’e.
‘Global Innovation Challenge’ kona-ba Seguransa Alimentár mak inisiativa Citigroup ne’ebé halibur hanoin-na’in sira, divisor polítiku no matenek-na’in sira iha indústria hodi diskute no dezenvolve solusaun sira inovadora hodi kombate inseguransa alimentár iha mundu.
Eventu ne’e akontese durante programa ofisiál Sesaun Asembleia Jerál ONU da-78 , iha sede ONU iha Nova Iorque.
Partisipasaun Prezidente Horta iha eventu ne’e hatudu dedikasaun Xefe Estadu nian ba problema sira globál no nia lideransa iha advokasia ba solusaun sira sustentável hasoru hamlaha globál.
540 total views, 6 views today
Bele hare Video Seluk :
Subscribe to Timorpost
