DILI (timorpost.com)– Prezidente Institutu Nasionál Estatistika Timor Leste, Institutu Públiku (INETL,IP), Elias dos Santos Ferreira, hatete, Inflasaun ba Indise Presu Konsumidór (IPC-sigla Portugés) fulan Agusto 2023, sa’e ba porsentu 0.5 kompara ho fulan Jullu porsentu 0.3.
Tersa Feira (19/09/2023) Institutu Nasionál Estatistika Timor Leste, Institutu Públiku (INETL,IP) koopera ho Ministériu Finansas (MF) halo lansamentu ba Indise Presu Konsumidores Fulan Agustu 2023.
Porsentu 0.5 ne’e maihosi foos sa’e porsentu 3.3%, no modo tahan posentu 2.3. Modo tahan folin sa’e tanba la’ós tempu no foos folin sa’e ne’e impaktu hosi nasaun importadór sira hasa’e folin no mos presu kontetor sa’e,” Prezidente INETL.IP, Elias dos Santos Ferreira, ba Jornalista hafoin aprezenta IPC iha salaun Estatistika Nasional, Kaikoli, Dili, Tersa-Feira (19/09/2023).
Atualmente, foos folin sa’e ba dollar Amerikanu 17.50 USD to’o 20.00 USD kada 20 kilograma. “ Espera governasaun foun bele rezolve problema ne’e. Governu tenke haree eleva produsaun gos iha rai laran, “ nia dehan tan.
923 total views, 30 views today
