Dili (timorpost.com)—Reprezentante Spesiál Governu Austrália ba Negosiasaun no Dezenvolvimentu Greater Sunrise, Steve Bracks hasoru Primeiru Ministru Kay Rala Xanana Gusmão, diskute prosesu dada kadoras mai Timor-Leste.
Reprezentante Great Sunrise Steve Bracks haktuir vizita mai Timor-Leste hanesan reprezentante espesiál husi Governu Australia nian husi Great Sunrise hala’o enkontru ho PM Xanana no mós Ministru Petróleu no Minerais ko’alia kona ba maneira ba oin oinsá atu dezenvolve projetu Great Sunrise.
“𝗔𝘂𝘀𝘁𝗿𝗮́𝗹𝗶𝗮 𝗿𝗲𝗸𝗼𝗻̃𝗲𝘀𝗲 𝗽𝗿𝗼𝗷𝗲𝘁𝘂 𝗚𝗿𝗲𝗮𝘁𝗲𝗿 𝗦𝘂𝗻𝗿𝗶𝘀𝗲 𝗶𝗺𝗽𝗼𝗿𝘁𝗮𝗻𝘁𝗲 𝘁𝗲𝗯𝗲𝘀 𝗯𝗮 𝗽𝗼𝘃𝘂 𝗻𝗼 𝗳𝗮𝗺𝗶́𝗹𝗶𝗮 𝗧𝗶𝗺𝗼𝗿-𝗟𝗲𝘀𝘁𝗲 𝗵𝗼𝘁𝘂. 𝗔𝘂𝘀𝘁𝗿𝗮́𝗹𝗶𝗮 𝗶𝗵𝗮 𝗸𝗼𝗺𝗽𝗿𝗼𝗺𝗶𝘀𝘂 𝘀𝗲𝗿𝘃𝗶𝘀𝘂 𝗵𝗼 𝗧𝗶𝗺𝗼𝗿- 𝗟𝗲𝘀𝘁𝗲 𝗼𝗶𝗻𝘀𝗮́ 𝗺𝗮𝗸 𝗮𝘁𝘂 𝗱𝗲𝘇𝗲𝗻𝘃𝗼𝗹𝘃𝗲 𝗽𝗿𝗼𝗷𝗲𝘁𝘂 (𝗚𝗿𝗲𝗮𝘁𝗲𝗿 𝗦𝘂𝗻𝗿𝗶𝘀𝗲) 𝗻𝗲’𝗲 𝗯𝗮́ 𝗼𝗶𝗻 𝗶𝗵𝗮 𝗺𝗮𝗻𝗲𝗶𝗿𝗮 𝗻𝗲’𝗲𝗯𝗲́ 𝗺𝗮𝗸 𝘁𝗲𝗸𝗻𝗶𝗸𝗮𝗺𝗲𝗻𝘁𝗲 𝘃𝗶𝗮𝘃𝗲𝗹 𝗻𝗼 𝗸𝗼𝗺𝗲𝗿𝘀𝗶𝗮𝗹𝗺𝗲𝗻𝘁𝗲 𝗯𝗮 𝗽𝗿𝗼𝗷𝗲𝘁𝘂 𝗶𝗱𝗮 𝗻𝗲ʼ𝗲,” Reprezentante Great Sunrise Steve Bracks haktuir ba jornalista sira iha Palasiu Governu hafoin remata diskusaun ho Primeiru Ministru Xanana Gusmão, Segunda (18/09/2023).
Nia akresenta, ida ne’e la’ós vizita dahuluk, maibé ida ne’e vizita da-haat hanesan reprezentante espesiál ba Greater Sunrise nian sei iha tan vizita tuir mai.
“Iha tempu badak sei diskute kle’an liután kona ba oinsá mak atu dezenvolve di’ak liu tan projetu dada kadoras ou Grate Sunrise iha tinan oin mais ou menus sei iha fulan Juñu tinan oin mai”. Hakotu.
Kona ba oinsá prosesu Greater Sunrise mai Timor-Leste, reprezentante ne’e haktuir, Australia komprende governu ida ne’e nia dezeju mak oinsá atu dada kadoras mai Timor-Leste.
“Maibé ami mós tenke haree ba estudu ne’ebé agora daudauk atu halo ba viabilidade ekonómiku ne’ebé mak sei fornese ba Timor-Leste, no mós ba kompañia sira hotu ne’ebé envolve iha projetu ida ne’e”. nia dehan.
Australia Prontidaun servisu hamutuk ho kompañia seluk hodi haree ba projetu ida ne’e.
“Ha’u dezeju projetu ba dada kadoras no estudu viabilidade sei remata iha fulan Maiu no Juñu Tinan oin mai. Ida ne’e Ha’u nia dezeju”.
Entretantu, foin lalais ne’e iha Jakarta-Indonézia, Primeiru Ministru Kay Rala Xanana Gusmão hala’o enkontru bilaterál Primeiru-Ministru Austrália, Anthony Albanese deskute kooperasaun rai rua nian.
Iha enkontru amizade ne’e, Xefe Governu rua ko’alia ho hamnasa ba malu sei hapara diverjénsia hotu-hotu iha pasadu, atu nune’e povu rua, Australianu no Timoroan, bele haree futuru relasoins iha konfiansa boot no respeitu mútuu ne’ebé boot liu.
1,986 total views, 12 views today
