DILI (Timor Post.com)—Partidu Frente Revolusionáriu Timor-Leste Independente (FRETILIN), liu husi deklarasaun partidu hatete figura na’in rua ne’ebe propoin husi reuniaun Konsellu Ministru horsehik hili naran rua hanesan, Sérgio Hornai ho Rui Pereira merese hotu ba Komisáriu Komisaun Anti-Korrupsaun (KAK).
“Ita haree prestasaun servisu husi figura na’in rua ne’e di’ak hotu, entaun ita lá hili sé mak atu sai ba Komisáriu hodi lidera KAK, tanba sira iha esperiensia hotu “Deputadu David dias Ximenes “Mandati” na jornalista sira iha PN, Kinta-feira (14/09/2023).
Tu’ir deputadu ne’e hatete, Komisáriu sesante Sérgio Hornai durante nia mandatu, hatudu prestasaun servisu di’ak, nune’e mós Rui Pereira ema advogadu independente, entaun ita nia preferénsia sira na’in rua merese hotu, atu sai komisáriu ba KAK foun.
“Ita hein de’it, desizaun votu iha Parlamentu Nasionál (PN), figura ida ne’ebé mak hetan konfiansa nia mak lidera no sai hanesan Komisáriu KAK foun. tanba ne’e neutraliza nia politika”. Deputadu ne’e haktuir.
Deputadu Mandati dehan, bankada FRETILIN la’ós opozisaun ba ema ida, maibé oinsá atu funsiona di’ak ba instituisaun KAK, ne’e mak presiza haree oinsá bele fó atendimentu di’ak ba servisu públiku sira.
“Ita hein de’it proposta governu nian, bainhira mak mai, hodi ita halo votasaun ba figura rua ne’ebé atu sai ba Komisáriu KAK foun, tanba sira na’in rua merese hotu ba komisáriu hodi lidera Instituisaun KAK.” Hakotu.
1,071 total views, 3 views today
