DILI (timorpost.com)—Primeiru Ministru (PM) Kay Rala Xanana Gusmão liu husi Reuniaun Konsellu Ministru (KM), propoin Sergio de Jesus Fernandes da Costa Hornai no Rui Pereira dos Santos ba Komisáriu Komisaun Anti Korrupsaun (KAK).
“Projetu Proposta Rezolusaun Parlamentu Nasionál, ne’ebé aprezenta husi Primeiru-Ministru, Kay Rala Xanana Gusmão, kona-ba naran sira hanesan, Sergio de Jesus Fernandes da Costa Hornai no Rui Pereira dos Santos, ne’ebé sei propoin ba Parlamentu Nasionál ba kargu Komisáriu Komisaun Anti-Korrupsaun, hetan aprovasaun,” Timor Post sita iha Komunikadu PCM, Kuarta-Feira (13/09/2023).
Tuir lejizlasaun ne’ebé vigor, naran sira ne’ebé propoin, husi Governu agora sei analiza no vota husi Parlamentu Nasionál, no sira-nia dezignasaun sei presiza maioria absoluta husi deputadu ne’ebé marka prezensa, pelumenus toluk ka haat (3/4) husi deputadu sira ne’ebé daudaun ne’e funsaun efetiva hela.
Antes ne’e Oitavu Governu konstitusionál Propoin eis Prokuradór Jerál José da Costa Ximenes ba Parlamentu Nasionál maibé deputadu sira la konsege halo votasaun ba proposta refere, ho nune’e proposta refere kaduka iha PN.
5,046 total views, 12 views today
