Dili (Timor post.com)—Fundu Emerjénsia Labarik ne’ebé organiza husi Organizasaun Nasoins Unidas (UNICEF) asina akordu ho Sekretáriu Estadu Komunikasaun Sosiál (SEKOMS) hodi promove direitu labarik liu husi atualizasaun Radiu Komunidade 18 ne’ebe eziste iha Timor-Leste.
Iha akordu ne’e UNICEF ho SEKOMS sei servisu hamutuk ho estasaun Rádiu Komunidade 18 ne’ebé eziste iha Territóriu Timor-Leste hodi atualiza informasaun kona ba programa labarik nian.
Reprezentante UNICEF, Bilal Durrani, hatete objetivu husi kooperasaun ne’e atu divulga informasaun kona ba direitu labarik sira husi idade 18 mai kraik. Programa ne’e sei implementa liu husi rádiu komunidade iha Timor-Leste.
“Ami servisu hamutuk ho SEKOMS dezde tinan 2004 no ami servisu iha programa oioin ba labarik sira. Ho akordu ne’e, hametin ami-nia kooperasaun hodi fahe informasaun kona-ba programa labarik sira hanesan Edukasaun, Saneamentu, Ijiene, Prevensaun Violasaun Hasoru Feto Sira, violasaun hasoru labarik sira, Prevensaun Covid-19, no Vasinasaun”. Reprezentante UNICEF iha Timor-Leste Durrani, hateten ba Jornalista sira iha Kaikoli, (11/09/2023).
Nia haktuir, UNICEF nafatin hatudu nia kompromisu hodi kontinua servisu hamutuk ho SEKOMS atu bele divulga informasaun kona-ba ba labarik sira hodi hasae konxiénsia kona-ba programa labarik sira-nian.
“Apresia tebes ba Sekretáriu Estadu ba servisu Komunikasaun sosiál nian kona-ba dezeminasaun informasaun no asaun ba públiku liu husi programa governu nian hodi asegura lei komunikasaun sosiál nian kona-ba relatóriu étiku hetan apoiu husi media sira.
Iha fatin hanesan, Sekretáriu Estadu Komunikasaun Sosiál, Expedito Loro Dias Ximenes, hatete parseria entre SEKOMS no UNICEF atu promove direitu labarik sira nian.
“UNICEF no SEKOMS servisu hamutuk hodi fornese internet ne’ebé saudavel hodi suporta labarik sira hodi asesu ba matéria eskola la presiza uza internet hodi hetan konteúdu violénsia no konteúdu sira seluk ne’ebé estraga sira nia moris,” Hakotu.
1,227 total views, 3 views today
