DILI (timorpost.com)—Ministériu Agrikultór Pekuária Peska no Floresta (MAPPF) sei hasai funsionáriu ho status kazuais iha munisipál sira.
Sekretáriu Estadu no Floresta, Fernandino Vieira da Costa, hatete, tempu badak sei halo nomeiasaun ba kargu xefia sira iha munisípiu timor laran.
“Iha tempu Ita sei hasai funsionáriu Kazuais sira no sei nomeia tan membru xefia sira hosi Munisípiu, atu haforsa ekipa servisu, hanesan ekipa futeból ida karik ekipa ida ne’ebé forte,” Fernandino Vieira da Costa, ba Jornalista iha salaun MAPPF Komoro, Segunda-Feira (04/09/2023).
Nia haktuir, kargu Xefia ne’e todan tanba responsabilidade hodi ezerse servisu ba povu no nasaun ida ne’e. Tanba ne’e nomeiasaun ne’e halo antes 30 Setembru tinan ne’e atu bele akompaña Orsamentu Jerál Estadu (OJE) 2024 nian.
“Ida ne’e hanesan jogu ida ne’e la’ós ameasa maibé tenke hatún hanesan joga bola karik hatún striker ida ne’ebé di’ak iha enerjia espíritu no dedikasaun tomak para bele halo jogu ho manán”. Nia dehan.
Mehi MAPPF maka hala’o servisu ho esforsu para labele independénsia demais ba sasán importadór sira.
Servisu ne’e atu servi povu no nasaun ida ne’e la’ós mai para tuir halimar.
Mandatu IX governu ne’e tinan lima, entaun presiza servisu hamutuk povu hakarak moris iha situasaun ne’ebé dignu.
2,343 total views, 3 views today
Bele hare Video Seluk :
Subscribe to Timorpost
