Maliana (Timorpost.com)—Governu Timor-Leste, liu husi Ministériu Obras Publika (MOP), hahú lansa primeira pedra konstrusaun estrada urbana Maliana, Munisípiu Bobonaru.
Nia hatete, konstrusaun estrada Maliana ho pakote rua, Pakote primeiru lansa ne’e ba estrada boot ho luan metro 4.92, ho distánsia kilómetru 23. Pakote Segundu, kompleta estrada urbana Maliana laran tomak.
“Orsamentu konstrusaun estrada urbana pakote primeiru, ho montante osan dollar amerikanu hamutuk 21 Milhoes. Pakote segundu, ho montante osan dollars amerikanu 16 millaun enkuantu total projetu reabilitasaun, estrada urbana sira iha munisípiu Bobonaru, poor volta de 38 millaun”. Dehan Ministru Obras Publika ba Jornalista sira iha Maliana, Kinta (01/06/2023.
Nia dehan, manan na’in ba konstrusaun estrada Maliana kompañia ida husi nasaun Indonesia, tender hahú iha tinan kotuk kedas.
“Kompañia ne’ebé sai hanesan manan na’in mak, PT. Hutama Karya husi Indonézia, períodu kontratu servisu ba konstrusaun estrada Maliana durasaun tinan ida fulan neen no fundu ba konstrusaun montante Dollar Amerikanu. 21,228,762.00”.
Nia hatete, husi Maliana Vila ba Postu Kailaku kompañia ne’ebé manan atu halo dezeñu ne’e iha ona, no bele hahú tinan ida ne’e.
Husi Maliana ba postu Lolotoe, halo ona verifikasaun hotu. Husi Letefoho mai Atsabe Bobonaru ne’e mós iha prosesu tender, enkuantu iha Bobonaru tomak pakote kuaze iha postu hotu.
Iha fatin hanesan, Presidente parlamentu Nasionál, Aniceto Longinus Guterres, hatete infraestrutura nu’udar pre komisaun ida atu fasilita dezenvolvimentu setór seluk ba povu tomak nia moris.
“Estrada hanesan meiu ida atu habelar dezenvolvimentu iha area rural, no lori benefísiu ba povu tomak, atu hetan asesu ba oportunidade sira”. Dehan Prezidente Aniceto.
Nia haktuir, estrada mós fasilita sidadaun sira, atu hakbesik ba malu, no haburas aspetu sosiál no kulturál, hodi hametin solidariedade no fraternidade.
“Husu ba Maliana oan sira atu esforsu makas liu tan, ho kapasidade téknika ne’ebé as liu tan, ho vontade ne’ebé bo’ot, hodi hasoru situasaun hotu-hotu ho responsabilidade ne’ebé boot”.
Aniceto mós husu ba parte hotu atu uza fasilidade públiku hanesan estrada no Ponte, ho di’ak atu fasilita ita hotu nia nesesidade moris.
Aniceto hateten pakote rua ba konstrusaun estrada urbana Maliana bainhira konklui hotu sidade Maliana sei sai nabilan no sai orgulho ba Timor Leste.
996 total views, 6 views today
