DILI (timorpost.com)—Ministru Obras Publika (MOP), Abel Pires da Silva, lansa ofisialmente projetu reabilitasaun estrada diresaun Postu Administrativu Letefoho Munisípiu Ermera liga ba Postu Administrativu Hatubuiliku Munisípiu Ainaru.
Lansamentu projetu reabilitasaun estrada ne’e, diretamente lansa husi Ministru Obras Publika, Abel Pires, hamutuk ho Prezidente Autoridade Munisípiu Ermera, Administradór Postu Letefoho, inklui mós reprezentante Administradór Munisípiu Ainaru ho Administradór Postu Hatubuiliku.
Serimónia ne’e mós hetan partisipasaun husi Xefe Suku sira hotu iha Postu Administrativu Letefoho, Komandante PNTL Munisípiu Ermera, no mós Amu Pároku Letefoho, no hetan seguransa másimu husi Polísia Nasionál Timor-Leste (PNTL).
Kompañia Internasionál China Civil Engineering Construction Corporation (CCECC), mak sai hanesan manan na’in ba projetu refere, ho durasaun tinan rua.
Projetu reabilitasaun estrada refere, ho montante orsamentu rihun 25,540,405,33 dolar amerikanu.
Iha sorin seluk, Prezidente Autoridade Munisípiu Ermera, Euzébio da Salsina, reprezenta komunidade Ermera tomak hato’o agradesimentu ba governu liu-liu Ministru Obras Publika, tanba ohin bele lansa ona estrada ida ne’e.
“Ha’u em nome povu Ermera hato’o ami nia agradesimentu ba Oitavu governu liu-liu Ministru Obras Públika, tanba maski mandatu besik remata ona, maibé servisu maka’as no esforsu an tomak, ohin konsege lansa duni,” hateten Prezidente Autoridade Munisípiu Ermera, Euzébio da Salsina, Kuarta (16/05).
1,257 total views, 3 views today
Bele hare Video Seluk :