Jakarta – Kompania Samsung kontinua la para hodi produs elektroniku ne’ebe foun. Tanba, iha tinan 2018 liu ba ne’e, Samsung lansa ona laptop Windows Galaxy Book2, no agora tuir planu sei mosu tan Galaxy Book S.
Laptop Galaxy Book S ne’ebe foin lalais mosu iha públiku ninia oin liu husi foto ne’ebe komesa publika liu husi Twitter.
Tuir detikINET, katak Laptop Galaxy Book S la hanesan ho Galaxy Book2 ne’ebe iha ninia perangkat 2 in 1 ou konversível, maibe Galaxy S nudar laptop konvensionál ne’ebe iha mos ninia keyboard inklui mos ninia layar ne’ebe mihis no iha tan webcam hodi bele halo video call.
Liu husi foto ne’ebe fo sai ne’e, Galaxy Book S iha mos fatin ba USB-C. laos ne’e deit Galaxy S mos uja OS Windows 10, prosesor Snapdragon 855, no RAM 8 GB.
Maibé to agora seidauk hatene, aplikasaun Samsung Galaxy Book S ne’ebe bainhira mak bele lansa, tanba iha tempu badak Samsung mos sei lansa Samsung Note10 iha serimónia bo’ot ida iha Nova Yorke, Amerika. (detik.com)
666 total views, 3 views today
