ADVERTISEMENT

Pasadu sai razaun populasaun 300 hamamuk Hela Fatin atual no fila ba knua

Augusto Sarmento - Jeral
  • Share

MANUFAHI–Kuarta loron (22/03) autóridade munisípiu Manufahi lansa seremonia entrega ofisialmente komunidade suku Fahinehan no suku Bubususu, postu administrativu Fatuberlio ba suku Dotik, postu administrativu Alas ho total uma kain 73 no populasaun atus 330 kompostu husi mane 186 no feto 144.

Komunidade hirak ne’e destera iha tempu invazaun militar Indonesia. too ohin loron iha konsensus entre autoridade sira kona-ba ba administrativamente nune’e hodi muda ba suku Dotik, postu administrativu Alas.

ADVERTISEMENT
SCROLL FILA BA NOTISIA


Tuir akta deklarasaun ne’ebé lee husi adjuntu adminisador postu Fatuberlio, Adriano Colaso deklara katak, akta deklarasaun ne’ebé iha deklara katak, ohin loron Kuarta loron 22 fulan-Marsu 2023, “ami ne’ebé assina iha kraik ne’e, halao serimonia entrega no simu komunidade Weto suku Fahinehan no suku Bubususo postu administrativu Fatuberlio ba suku Dotik postu administrativu Alas”.

 

Seremonia entrega ne’e e halao hosi xefe suku Fahinehan no xefe suku Bubususu no administrador postu administrativu Fatuberlio ba Administrador Munisipiu Manufahi no oficialmente entrega komunidade Weto ba xefe suku Dotik no administrador Postu administrativo Alas hodi hela permanente hanesan sidadaun suku Dotik Postu Administrativo Alas.

Lee Mós :
OJE 2021 Passa ho Unanimidade: Orsamentu ba Agrikultura Pursentu 1.7 De'it, KHUNTO fo Parabens baFRETILIN

Iha ambitu seremonia entrega ne’e, Administradór postu administrativu Fatuberlio, Gil Teofilho Amaral hateten, komunidade Weto entrega ho didiak ho kondisaun diak ba auoturidade postu Alas.

“Hau entrega hau nia komunidade ba autóridade postu Alas ho liman no ain tomak inklui fuuk lahan ida la monu” dehan Gil iha Weto, Kuarta (22/03).

Nia dehan, komunidade ne’ebé ohin entrega ba suku Dotik, postu Alas ne’e uluk destera husi postu Fatuberliu mai iha area Weto, suku Dotik, postu Alas.

Tuir nia, momentu ne’eba iha komunidade suku rua mak destera mai iha Weto maibé ikus balun fila fali ba sira nia suku no balun mak nafatin to’o ohin loron foin tama mai Dotik.

“Ohin hau lori komunidade Fatuberlio uma kain 73 maibé entrega ba adminisador postu Alas neduni prosesu administrativamente hau tenki husik. Entrega ne’e prosesu administrativamente maibé prosesu kultural ita nafatin familia”nia esplika.

Maske ohin foin entrega maibé agradese ba autóridade postu Alas durante ne’e tau matan ona ba komunidade sira durante destera mai postu Alas.

Lee Mós :
Aniceto Guterres sei Estuda Hasai Imunidade António Kalohan

Fatin hanesan adminisador postu administrativu Alas, Franco da Costa Duarte, Komunidade ne’ebé entrega mai ne’e hanesan loke pajina foun ida iha postu Alas.

Nia dehan, ema ne’e hanesan sentru ba dezenvolvimentu neduni ohin simu komunidade hanesan loke pajina foun ida.

“Pajina foun ne’e komunidade hela iha suku no lia na’in sira atu nune’e hodi hahú hadia husi kraik ba leten atu labele fó todan ba nai ulun sira”nia dehan.

Administrador Alas ne’e esplika, durante ne’e mosu konflitu ne’e tanba de’it mak hanesab satan ho liman no ida seluk kona-ba sosa no fa’an.

“Tanba ne’e ba komunidade tantu Fatuberliu no Alas tenki respeitu ita nia kultura hodi fó dalan ba prosesu dezenvolvimentu tomak”nia dehan.

Neduni hato’o agradese no obrigadu barak ba autóridade suku Fahinehan no Bubususu ne’ebé entrega ona sira nia komunidade mai postu Alas maske ida ne’e la fasil atu entrega ninia ema ba suku no postu ida.

Ba asuntu mudansa fatin ne’e Administrador Munisipiu Manufahi, Arantes Isaac Sarmento esplika, Mudansa fatin la fó impaktu ba dokumentus sira.

Lee Mós :
Konsellu Ministru Dekreta Lutu Nasionál ba Ma’Huno Nia Mate

Saida mak akontese iha tinan hirak liu ba husik ona maibé tenki hatat ba oin.

“Ita tenki respeitu no rona malu importante tebes-tebes, tanba durante ne’e mosu problema tanba la rona malu no respeitu malu nune’e buat ne’ebé imi hakarak sei bele sai realidade”dehan Arantes.

Molok hakotu nia dehan, ohin ita bo’ot sira entrega husi suku Bubususu, Fahinehan, Klakok no Fatukahi ba iha suku Dotik, postu Aals no husikaer metin unidade no pas iha fatin ida ne’e.

Tuir observasaun Timor post nota katak, Partisipa iha serrmonia entrega komunidade ne’e mai husi Autoridade hirak ne’e kompostu husi adminisador munisípiu, komandante Polisía Nasionál Timor-Leste (PNTL) komandu polisía distritu Manufahi, Diretór STAE, PDHJ, Teras Propriedade no Prezidente konsellu veteranus munisípiu Manufahi.(lcl).

 1,353 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pasadu sai razaun populasaun 300 hamamuk Hela F…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No