Dili, (timor post.com)—Prezidente Repúlika Jose Ramos Horta, inagurasaun ba aviaun komersial aero timor, vou internasionál, iha aero portu internasonál prezidente Nicolau Lobato Madohi, segunda, 20/03.
Tuir konvinte ne’ebé kompañia aero timor fahe ba aviaun komersial vou internasionál dahuluk ne’e halo ninia route viajen entre nasaun sira ne’ebé durante ne’e tula pasajeiru sira tama mai Timor.
“Ita nia prezidente Repúblika maka sei mai inagurasaun ofisial Aero Dili, sei hala’o iha Aero portu internasionál prezidente Nicolau Lobato Madohi, ohin segunda, 20/03”, Ekipa Aero Dili hato’o iha konvinte ne’e.
Tuir orariu komisaun organizadora Aero Dili prepara kondisaun iha segunda, dadeer husi tuku 6:00 to’o hodi hein Prezidente Repúblika to’o iha fatin hodi ofisializa vou internasionál aviaun komersial Aero Dili.
“Aviaun komersial Timor-oan sira nian rasik, ne’ebé dahuluk iha Timor hodi tula pasajeiru husi nasaun ba rai liur”, Sita iha karta Konvite.
Tuir observasaun Timor Post atividade preparasaun la’o maka’as iha aero portu internasionál Prezidente Nicolau Lobaro Madohi, hodi hein prezidente Repúblika to’o atu ofisisializa aviaun Timor oan nian ne’e. (f10)
2,219 total views, 6 views today
Bele hare Video Seluk :