DILI (Timor Post)-Iha Reuniaun konsellu Ministru Kuarta (15/03) governu liuhusi konsellu ministeriu diside nomeia eis Komandante PNTL Dili nain rua nomeasaun ba Superintendente-Xefe Henrique da Costa atu ezerse kargu Komandante-Jerál Polísia Nasionál Timor-Leste (PNTL) no nomea Superintendente-Xefe Pedro Belo atu ezerse kargu Komandante-Jerál PNTL Daruak.
Ministru Predizensia Konsellu Ministru Fidelis Manuel Leite Magalhaes, informa ohin iha reuniau konsellu ministru governu sprova projetu Rezolusaun Governu, aprezenta husi Vise-Ministru Interiór, António Armindo, kona-ba nomeasaun ba Superintendente-Xefe Henrique da Costa atu ezerse kargu Komandante-Jerál Polísia Nasionál Timor-Leste (PNTL), ba períodu tinan tolu, tanba ne’e, pomove ba Komisáriu-Jerál.
“Ho Rezolusaun ne’e ida-ne’e, nune’e hapara komisaun servisu atuál komandante-Jerál PNTL, komisáriu Faustino da Costa”, informa iha Palacio do Governu.
Aleinde ohin Konsellu Ministru aprova projetu Rezolusaun Governu, ne’ebé mós aprezenta husi Vise-Ministru Interior, nomea Superintendente-Xefe Pedro Belo atu ezerse kargu Komandante-Jerál PNTL Daruak, ba períodu tinan tolu, ho nune’e promove ba Komisáriu.
Portavos governu nee hatete, o Rezolusaun Governu nian ida-ne’e hapara mós komisaun servisu Komisáriu Mateus Fernandes.
Iha fatin hanesan Vise Ministru Interior Antonio Armindo, informa tuir ajenda neebe primeiru ministru no mos hanesan ministeriu interior hatama ajenda ba komandante jeral polisia foun atu subtitui komandante jeral atual.
Ajende nee mai husi ministeriu interior tuir lei organika artigu 25 a lina II proposta ministru interior nian.
Ohin ajenda pasa ba komisariu jeral foun PNTL nain rua, maka komisariu jeral PNTL Henrique da Costa no komandante Jeral daruak Pedro Belo, detalla nee depois mak konfirma.
Preparasaun ba tomada de pose ba komisariu foun nain rua lao ona komandu mak halo preparasaun ba ida nee sira mak sai komisaun ba eventu nee.
Planu ministeriu interior ho komandante jeral nian, tomada de pose sei halao iha loron 27 fulan Marsu Agora, tanba ida nee monu iha loron aniversariu PNTL nian.
Iha eventu nee sei iha mos promosaun no mos ba sira neebe reforma ida nee sei halao iha loron tomada de pose komisariu foun no ambitu selebrasaun aniversariu PNTL nian.
2,096 total views, 3 views today
Bele hare Video Seluk :