DILI (TimorPost.com) Embaixador Japaun iha Timor-Leste Kimura Tetsuya, informa ohin mai hasoru primeiru ministru atu diskute kooperasaun Timor-Leste ho Japaun Liuliu atu hametin sistema bee moos iha area rural.
Kimura Tetsuya, hatete ohin sira mai hasoru primeiru ministru atu esklarese Consulting With Purpose (CWP) husi kompañia Japaun ida, atu servisu iha area bee nian iha timor-leste.
Governu Japaun hanoin katak bee importante ba komunidade nia moris, bee iha ligasaun ho deszastre nian.
“Ami mos instala sistema fornesimentu bee nian ho eskala ki’ik iha area rural”, nia informa ba Jornalista sira hafoin remata enkontru xefe governu Taur Matan Ruak iha palásiu do Governu, Kinta (09/03).
Entaun husi CWP sira mai ohin hasoru PM oinsa halo kooperasaun no hametin sistema fornesimentu bee iha Dili no iha area rural.
Nia dehan, kompania husi CWP nee parseiru importante husi governu Japaun nian, tanba nia iha parseiru barak iha timor-leste ho governu lokal, inklui universitariu sira.
Japaun mos fo nia konfiansa tomak ba kompania sira, sira sei hametin parseria ho governu lokal no universitariu sira.
Ba ida nee sira sei hametin kooperasaun ho universitáriu sira, hodi ekipa peskiza konjuntu no depois governu timor-leste, hodi bele sistema abastesimentu bee moos nian.
Ohin mai hasoru primeiru ministru esplika kona ba situasaun ida nee, hodi kooperasaun entre governu Japaun ho Governu Timor-Leste sai di’ak liu tan.
2,352 total views, 3 views today
Bele hare Video Seluk :