Forensik Finaliza Ona Autópsia Ba Mate Isin Riando Falo

DILI (timorpost.com) — Xefe Departamentu Forensik iha Hospital Nasionál Guido Valadares (HNGV), Nilton Tilman, informa ekipa Forensik finaliza ona prosesu autópsia ba mate-isin, Riando Falo, aban Sesta (17/02) entrega ba família hodi halo serimónia funebre.

“Iha Tersa (15/02), ekipa forensik simu mate-isin Riando Falo, atu autópsia hafoin família konkorda no prosedimentu prosesu autópsia mós hala’o”, nia informa ba Timor Post, Kinta (16/02/2023).

SCROLL FILA BA NOTISIA

Nia haktuir, Prosesu autópsia hala’o ona remata horisehik lokraik, parese aban Sesta (17/02) entrega ba família hodi lori ba haloot tuir lisan Oe-Kusi nian.

Lee Mós :

Xanana Promete Dignifika Ferik, Katuas, Defisiensia no Veteranu sira

Daudaun ne’e mate isin sei rai hela iha mortuáriu, enkuantu ida seluk ne’ebé foin hetan, sei iha prosesu tuir mai.

“Kona-ba rezultadu autópsia ne’e oinsá, relatóriu ita sei entrega ba Ministériu Públiku, no MP de’it mak bele hatene, tanba ne’e sira-nia kompeténsia”, nia hateten.

Fó hanoin fali katak matebian Riando Falo ho nia kolega Orlando Martins lakon iha loron 8 fulan Janeiru tinan 2023.

Orlando Martins nia isin mate ne’ebé ekipa konjunta hetan iha Ramelau, imajen Esp.

Mate isin hosi peregrinu ba Ramelau, Orlando Martins, ekipa Konjunta kompostu hosi Komandu Polisia Munisípiu Ainaru, Bombeiris, Autoridade lokal, juventude hetan oba no ohin kalan sei hatoba iha postu administrativu Hatubiliku no aban maka foin evakua ba munisípiu Dili.

Lee Mós :

Profissionais de saúde efetuarão rastreio à covid-19 em Liquiçá

“Mate isin kalan ne’e sei iha hatubuilku, aban dadeer maka evakua ba Dili”, informa fonte komunidade lokál hatubuliko ba Timor Post hodi anexa mós foto no video hosi mate bian Orlando Martins.

Autoridade hetan peregrinu Orlando Martins ninia mate isin iha foho Ramelau iha oras tuku rua. Ekipa halo evakuasaun mai iha Santuáriu Ramelau hun.

“Ida família nee hetan ona, maibé polisia bandu atu hasai foto no video. Ne’ebé ita hein sira hi’it mai Santuario”, sita komunidade ne’ebé la sita naran ba Timor Post, Kinta (16/02/2023).

Lee Mós :

Espasu HNGV La Sufisiente, MS Tenke Reforsa Hospital Rejional

“Distánsia hetan ne’e dook los hosi ida fali hetan dahuluk ne’e, kondisaun hanesan isin azúl hotu ona” haktuir fonte ne’e.

Enkuantu Iha Tersa (14/02/2023), autoridade seguransa família no komunidade hetan hetan hikas Riando Falo pur volta oras tuku haat loraik.

4,747 total views, 3 views today

Oinsa Ita nia Reaksaun iha Notisia Nee?