DILI (timorpost.com) — Diretór Jerál Diresaun Jerál Servisu Rejistu Notariadu (DJSRN), Crisogno da Costa Neto, klarifika ba públiku, katak atendimentu públiku iha Diresaun Jerál Servisu Rejistu Notariadu, la’o hanesan baibain.
Tanba ne’e, husu ba públiku atu labele fiar avizu ne’ebé fó sai husi diretora DMCSRN Dili, tanba avizu refere fó sai la husu autorizasaun ba nia parte.
“Ami halo servisu nafatin, laiha instrusaun husi Superior atu Notariadu feriadu, atendimentu públiku halo nafatin tuir oras no loron servisu normal, tuir regras funsaun públika nian. Avizu ne’ebé fó sai, Diretora la husu autorizasaun ba ha’u”, Crisogno informa ba Timor Post, Kuarta (14/12).
Nia hatutan, “Enkuantu medida imediata husi ha’u mak husu ba Diretora atu hasai tia avizu ne’e”.
Tanba ne’e, nia dehan, nafatin halo atendimentu ba públiku, exeptu loron Sábadu, Domingu inklui loron feriadu Nasionál ka relijiozu nian.
2,630 total views, 3 views today
Bele hare Video Seluk :
Subscribe to Timorpost
