ADVERTISEMENT

ONG Belun Rejistu Krime ho Konflitu Hamutuk 4.000

Mario da Costa - Jeral
Reportajen : Beatriz Belo
Editor : Mário da Costa
  • Share
Programa Manajer ONG Belun, Romaldo Caetano, imajen TP/Beatriz Belo

DILI (timorpost.com) – Organizasaun Naun Govermental (ONG) Belun, rejista kazu krime ho konflitu iha territóriu hamutuk 4.000, iha fulan Janeiru to’o Novembru tinan 2022.

Program Menejer A3 iha Belun, Romaldo Caetano, hatete durante fulan sanulu resin ida monitorizasaun Belun ba kazu krime ho konflitu iha territóriu laran tomak rejista hamutuk 4.000.

ADVERTISEMENT
SCROLL FILA BA NOTISIA

“Ami halo monitorizasaun no kobre hodi rejistu insidente iha Munisípiu balun de’it no iha Munisípiu balun mós ami kobre iha postu balun de’it, tanba ne’e númeru neebe ami kobre ne’e tun, maibé, totál númeru ne’ebé ke iha ami-nia lista no iha ami-nia data baze, kuaze iha 4.000, ne’ebé ami kobre iha territóriu tomak,” dehan Romaldo iha sede suku Bidau Lesidere, Tersa (22/11).

Lee Mós:
Remarks by President Biden on America’s Place in the World

Nia dehan, problema monitorizasaun Belu nian ba krime ho konflitu sira ne’e, tanba dala-ruma limitasaun rekursu.

Nia dehan, sira halo monitorizasaun ba tipu krime saida de’it, kuandu tipu violénsia ona noee, sira para halo rejistu.

“Ami rejista de’it kazu sira ne’e, hodi akompaña de’it iha ami-nia data base hodi hatudu de’it ba komunidade no ba lider sira, atu nune’e sira estuda no sai hanesan referénsia, Maibé atu lori ba Ministériu Públiku ne’e PNTL mak fasilita sira,” nia dehan.

Lee Mós:
PGR pede a Governo melhorias no trabalho da Alfândega

Nia haktuir, durante sira rejista krime no konflitu sira indetifika barak liu akontese númeru aas liu mak iha Dili.

Antes ne’e mós, Reprezenta Belun hanesaan Koordenador A3 ba Munisípiu Dili, Cecelia Rebeiru Ximenes, hatete durante sira halo prevesaun ba kazu konflitu sira, maibé sira konsege rejista iha Dili mak ho númeru aas.

“Durante ami ONG Belun, halo prevensaun ba kazu konflitus iha munisípiu, maibé sira konsege rejista iha Munisípiu Dili ho númeru aas, liuliu iha area Dom Aleixo nian,” dehan Cecelia hafoin diálogu entre autoridade sira iha Suku Balibar, Kinta (10/11).

Nia haktuir, ONG belun prezenza iha Munisípiu sira mak hanesan iha Munisipiu Manufahi, Kovalima, Bobonaru no Munisípiu Dili, maibé sira rejista aas liu mak iha Munisípiu Dili.

Lee Mós:
Tranzasaun Droga Krime Boot ba Timor-Leste

“Ami konsege deteta konflitu ne’ebé aas liu iha Dili, liuliu iha area Dom Aliexo nian mak hanesan GAM, kazu kona-ba rai, kazu kona-ba violénsia domestika,” nia dehan.

Maibe, nia haktuir, la’ós konflitu akontese de’it iha area Dom Aleixo, maibé iha postu sira seluk sira rejistu mak hanesan mós kazu Grupu Arte Marsiais (GAM).

 502 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ONG Belun Rejistu Krime ho Konflitu Hamutuk 4.000” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: