ADVERTISEMENT

KI no PNUD Lansa Matadalan Reportajen Eleitorál ba Jornalista

Mario da Costa - Jeral
Reportajen : Estaziada Ermelinda Caet
Editor : Mario da Costa
  • Share
lansamentu matadalan reportajen eleitorál ba Jornalista no média sira, imajen TP/Ermelinda Caet

Dili (timorpost.com) – Konsellu Imprensa (KI) Timor-Leste servisu hamutuk ho PNUD (Programa das Nações Unidas para o Desenvolvimento), ho apoiu finanseiru husi Governu Japaun iha Timor-Leste, halo lansamentu matadalan reportajen eleitorál ba Jornalista no média sira iha rai laran hodi apoiu kobertura ba eleisaun Parlamentár tuir mai.

Prezidente Interinu Konsellu Imprensa Timor-Leste, Expedito Loro Dias Ximenes, hatete ohin KI servisu hamutuk ho PNUD lansa ona Matadalan Reportajen Eleitorál ba Jornalista no Média husi Matadalan sira seluk liuhusi projetu CORE Timor-Leste ida ne’e finansiál husi Embaixadór Japaun objetivu atu hametin atividade Jornalista no jornalistiku no média iha kontestu publikasaun iha eleisaun Parlamentár.

ADVERTISEMENT
SCROLL FILA BA NOTISIA

“Hanesan ita hotu hatene katak país Demokrátika ida foin hakat husi eleisaun Prezidensiál iha Fulan Marsu no Abríl liubá, ne’ebé iha dezafiu no obstákulu balun ba Jornalista no média mak sira hasoru iha publikasaun durante kampaña polítika ho loron eleisaun nian”, nia hateten iha Novo Turizmu, Largo Lecidere, Tersa (22/11).

Lee Mós:
SEKOMS-SEII Lansa Relatóriu Servisu Konsellu Imprensa

Nune’e Jornalista sira husi média nasionál sira halibur hamutuk iha loron 22 Novembru hodi tuir lansamentu husi publikasaun Matadalan ba Jornalista no média kona-ba reportajen eleisaun, manual ida ne’ebé Konsellu Imprensa dezenvolve ona liuhusi projetu eleisaun reziliente COVID iha Timor-Leste (CORE TL) hodi fasilita kobertura siklu eleitorál nian.

Matadalan ida-ne’e, nu’udar pontu inisiu ida ne’ebé konsidera hanesan referénsia di’ak ba jornalista no mídia sira atu halo sira nia knaar ho profisionál no sai nu’udar fonte ba jornalista ida dame no kria pás iha sosiedade Timor-Leste.

“Matadalan ne’e mós atu ajuda jornalista no média sira mantein balansu, imparsialidade no objetividade iha kobertura no publikasaun notísia no programa sira hodi la hetan intervensaun ruma, polítika ka ekonómika”, nia tenik.

Lee Mós:
Harii Média Presiza Hatene Lei KomSos

Reprezentante Vise-Prezidente PNUD, Adeline Carrier, afirma hanesan hot-hotu hatene katak UNDP fó apoiu ona ba Timor-Leste iha eleisaun tinan kotuk liubá mós komprometidu atu apoiu eleisaun sira tuir mai no imi asiste mós lansamentu matadalan ne’ebé iha sira hanoin katak importante ba jornalista sira utiliza matadalan ne’e atu nune’e bele evita notísia Hoax sira no kontribui ba informasaun ida ne’ebé di’ak ba públiku liuliu ba komunidade país ida ne’e.

“No ida ne’e importante tebes ba Jornalista sira-nia papél atu asegura katak sidadaun hot-hotu iha asesu ba informasaun ne’ebé loos no adekuadu kona-ba eleisaun sira iha futuru”, nia hateten.

Iha Fatin hanesan adjuntu Embaixadór Japaun iha Timor-Leste, Kazumi Yamada reforsa tan nia ko’alia liu kona-ba kontribuisaun husi Matadalan sira ne’e ba hari demokrasia iha nasaun ne’e.

Lee Mós:
KI-UNDP Orgullu Produsaun Dahuluk Matadalan VBJ

“Ha’u hakarak fó parabéns ba Konsellu Imprensa ba kompila Matadalan ida ne’e ho susesu. Hanesan ita hatene, eleisaun livre no justu bazeia iha formasaun ne’ebé loloos fundasaun importante ba demokrasia. Ha’u foti oportunidade ida ne’e atu fó hanoin ba Jornalista sira no média kona-ba importánsia husi papél ne’ebé sira assume, tanba Timoroan sira sei ba vota iha eleisaun Parlamentár tuir mai no mós eleisaun Demokrátika seluk tan iha futuru,” esplika Yamada

Portantu Projetu UNDP CORE-TL, ne’ebé finansia husi Governu Japaun, promove eleisaun informativu no inkluzivu iha Timor-Leste iha nivel nasionál no Munisípiu.

 433 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KI no PNUD Lansa Matadalan Reportajen Eleitorál…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: