DILI (timorpost.com) — Prezidente Repúblika (PR), José Ramos Horta, Segunda (21/11), partisipa iha Konferénsia Internasionál kona-ba “O Projeto de Recuperação de Ativos Como Instrumento Eficaz no Combate a Corrupção e aos Crimes Conexos” iha salaun Suai Room, Timor Plaza.
Xefe Estadu aumenta, eventu ne’e organizadu husi Prokuradór Jerál Repúblika ho apoiu husi sistema Nasoins Unidas ne’ebé husi Ajénsia ONU ida naran United Natuina Office Drugs and Crime (UNODC) no Ministériu Justisa.
“Ha’u simu konvite atu mai partisipa hodi apoiu klaru ba inisiativa ida ne’e rekuperasaun ativu (Asset Recovery) ne’e signifika iha luta kontra korrupsaun, luta ba aplikasaun ba Justisa”, nia hateten.
Nia esplika, ida ne’e mós hanesan dalan ida bele ajuda kontribui ba luta kontra Korrupsaun, ne’e signifika propriedade ruma, maibé Estadu bele ka lae atu foti fila fali rikeza ruma ou riku-soin ruma, ne’e mós bele halo parte iha prosesu ne’ebé Justisa nian.
Portantu Justisa la’ós de’it ema ida ba kadeia ou ema ne’e bele ba kadeia, pozisaun, maibé rezultadu lakon nafatin tanba la hetan fila fali rikeza ne’ebé lakon.
“Se Timor-Leste halo ida ne’e, ne’e hanesan laiha rai barak iha Mundu ne’ebé mekanizmu iha ne’e,” Horta dehan.
Iha biban hanesan Prezidente Parlamentu Nasionál (PPN), Aniceto Guterres, hatete parlamentu ne’e órgaun lejizladór, nune’e, sei inisiativa kria lei ruma atu fó dalan oinsá mak hala’o Justisa ba Krime Organizadu ka Korrupsaun.
“Iha tratadu barak mak ita ratifika, tratadu kona-bá droga, korrupsaun iha hotu, maibé ba abordajen foun rekuperasaun ativu ida ne’e, kuandu ratifika ona no integra ona ordenamentu jurídiku tanba ita iha Kódigu Penál, atu bele kombate korrupsaun,”dehan Aniceto.
Nia afirma, Konferénsia ne’ebé halo abordajen foun ne’e husi área Justisa nian, tanba ne’e, nia mós husu ba Prokuradór Jerál Repúblika, kona-ba pasu tuir mai husi Konferénsia refere atu iha serbisu ho projetu lei ruma.
Enkuantu Ministériu Justisa (MJ), Tiago Sarmento, haktuir Semináriu ba asuntu ida ne’e iha hanoin hakarak regulariza asuntu ida ne’e tanba ida ne’e importante tebe-tebes ba Timor nia situasaun, bainhira kombate Korrupsaun asuntu ida ne’e iha parte rekuperasaun ne’e importante.
“Iha país balun aplika antes de desizaun, balun aplika depois de desizaun Tribunál remata transita. Iha Indonézia ita boot sira haree bainhira sira foin iha faze suspeitu ne’e sira ba halo permintaan hotu kedas depois balun halo verifikasaun kedas, iha país balun hanesan ne’e, ita Timor-Leste lae,” Ministru Tiago dehan.
Nia aumenta, liuhusi inisiativa semináriu ne’e, títulu formasaun kona-ba deskobrimentu ne’e di’ak, maibé iha país balun mós seidauk iha.
“Ita-nia Ministériu públiku iha hanoin hodi reforsa kombate Korrupsaun ne’e asuntu ida ne’e importante tebes-tebes, ida ne’e tenke iha regula lei ruma espesiál, tanba hanesan ohin PPN Aniceto dehan regula iha lei ruma hodi ba iha Parlamentu Nasionál para regulariza,” nia afirma.
Tanba ne’e, nia dehan liga ho asuntu kódigu prosesu penal, bainhira iha faze ida inisiu iha inkéritu investigasaun, hakarak iha faze ne’ebá ka depois de aplika hotu mak akontese buat ne’e, tanba ne’e liga makaas ho prinsípiu prezunsaun inosénsia nian, tanba kódigu prosesu Timor-Leste liga makaas mós kona-ba ida ne’e.
1,189 total views, 3 views today
