ADVERTISEMENT

PN Preokupa Demostrasaun Iha UNTL, Matan Ruak Orienta PNTL Blokeia Dalan

Mario da Costa - Jeral
Jornalista : Jaime Pires
Editor : Mário da Costa
  • Share
PNTL konsentra Hela iha areadores UNTL nian, Imajen TP/Jaime Pires

DILI (timorpost.com) – Parlamentu Nasionál (PN), preokupa ho asaun demonstrasaun husi estudante Universidade sira hotu ne’ebé hanaran Aliansa Maubere Nasionál (AMN), Primeiru Ministru no Ministru Interiór, Taur Matan Ruak, orienta Polísia Nasionál Timor-Leste (PNTL) blokeia estrada iha Parlamentu Nasionál nia oin.

“Manifestasaun ne’e direitu liberdade sidadaun ida-idak ninian kuandu la viola regras ka lei ruma, bele halo iha ne’ebé de’it, no ita la kestiona ida ne’e maibé ita kestiona tanba perturba funsionamentu órgaun soberania no konteudu manifestasaun ne’e halo insulta no akuzasaun falsu ida ne’e mak ita kestiona,” dehan Prezidente Parlamentu Nasionál, Aniceto Longuinhos Guterres, iha Plenaria Parlamentu Nasionál, Kuarta (16/11).

ADVERTISEMENT
SCROLL FILA BA NOTISIA


Nia aumenta, maibé agora iha fatin seluk Universidade nafatin autoriza ka la autoriza husi Reitór Universidade sira ida-idak ne’e kestaun interna instituisaun ida-idak ninian.

Lee Mós :
PR Horta Ezonera Adjuntu Kaza Militár

“Basta ita informadu kona-ba asaun sira ne’ebé la’o tiha ona iha kampus sentrál UNTL, agora sira muda tiha ona ba iha fatin seluk hodi bele espresa sira-nia direitu,” deklara nia.

Iha fatin hanesan, Primeiru Ministru (PM), Taur Matan Ruak, hanesan mós Ministru Interiór (MI), deklara nia parte orienta ona Polísia Nasionál Timor-Leste, hodi blokeia tiha dalan ida diresaun husi Kampu Demokrasia mai iha Parlamentu Nasionál nia oin, nune’e mós husi Pateo nian mai resintu Universidade Nasionál Timor Lorosa’e (UNTL).

“Ministru Interiór fó orden para blokeia dalan tama mai iha ne’e, no haruka sira ba fali iha Jardín 05 de Maiu, iha area Kolmera ninian, ha’u espera ke sira kumpre ida ne’e,” dehan iha Parlamentu Nasionál.

Lee Mós :
Doentes oncológicos sem possibilidade de tratamento nem em Timor-Leste nem no estrangeiro

Nune’e mós Prezidente Komisaun (G) Parlamentu Nasionál ne’ebé trata ba asuntus Edukasaun, Juventude, Desportu, Kultura no Sidadania, Deputadu António Verdial, dehan tuir karta ne’ebé sira simu husi Reitór UNTL, João Martins, katak nia parte laiha kuñesementu la autoriza fatin UNTL ne’e hodi halo demonstrasaun.

“Tuir karta husi Reitór UNTL katak, atividade ne’e la’ós UNTL mak prepara, no informasaun manifestasaun ne’ebé halo husi grupu AMN iha resintu UNTL kompostu husi estudante UNTL balun no estudante Universidade privadu sira seluk inklui ema privadu balun, laiha kuñesementu husi UNTL,” dehan Verdial.

Lee Mós :
FRETILIN husu PM Taur halo Investigasaun ba Kazu Ró Haksolok

Tanba ne’e mak iha loron 08 fulan Novembru UNTL halo ona intervensaun direita ba asaun manifestasaun husi grupu Aliansa Maubere Nasionál (AMN) refere.

“Ami halo ona intervensaun tanba prezudika prosesu aprendizajen ne’ebé tama ona ba faze ezame teste trimestral ninian, no daudaun ne’e UNTL halo hela preparasaun ba Dias Natalis liuhusi atividade extra-kurikular, nune’e asaun ne’ebé grupu AMN halo fó perturbasaun ba atividade Universidade nian, nune’e mós implika ba funsionáriu sira-nia servisu iha Universidade,” nia hakotu.

 1,777 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PN Preokupa Demostrasaun Iha UNTL, Matan Ruak O…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No