ADVERTISEMENT

Toos Na’in Belarmino Orgullu Oan Bele Eskola Iha Israel

Mario da Costa - Jeral
Jornalista : Cardenio Alves
Editor : Mário da Costa
  • Share
Belarmino Gonjaga, Imajen TP/Cardenio Alves

Manatuto (timorpost.com) – Vida moris hanesan agrikultór, prontu servisu makas hodi halo mudansa ba oan sira nia futuru.

“Ha’u durante hola malu moris mak nune’e halo to’os, nu’udar ema vida agrikultór, maibé ha’u prontu oferese ha’u-nia hodi halo saida de’it, no daudaun ne’e ha’u konsege lori toos ne’e dudu oan nia eskola iha nasaun Israel,” hateten Agrikultór Belarmino Gonjaga, iha aldeia Fatuha, Suku Batara, Postu Administrativu Laklubar, Tersa (08/11).

ADVERTISEMENT
SCROLL FILA BA NOTISIA


Nia dehan, vida agrikultór nunka mais atu sente moe, bainhira ba toos, tanba hosi toos mak ohin loron bele lori oan ba eskola iha Israel, no mós universidade sira.

Lee Mós :
KI-UNESCO no Cek Fakta Indonézia Realiza Enkontru Kona-ba Aliansa Dez-Informasaun iha Timor-Leste

“Oan ne’ebé ha’u sustenta nia estudu iha Israel, ho naran Benjamin Gonjaga, (24), ba ho bolsa estudu durante Tinan lima iha Israel”, nia informa.

Hala’o estudu iha Israel foin daudauk Tinan 2022 Fulan Agustu, nune’e orgullu ba esforsu hirak ne’ebé durante enfreta ba oan sira-nia estudu.

Nia haktuir, oan ne’e foti estudu iha area Agrikola, tanba ne’e fiar ba na’i maromak sei fó forsa ba nia no mós ba nia alin sira hotu.

“Ha’u ho ferik oan halo toos, la’ós atu halo mudansa ba ami rua nia moris, maibé oan sira-nia futuru, hanesan eskola, tanba eskola ne’e sai hanesan objetivu ida atu konkista ita-nia mehi,” nia subliña.

Lee Mós :
João Deside Husik Eskola Hodi Mai Buka Osan Iha Dili

Nia dehan, dala-barak, matan we’en turuk bainhira haree ema seluk moris avansu, maibé dala-wa’in mós sente katak husik moris tuir buat ne’ebé iha, no oinsá esforsu a’an ba nafatin hodi sustenta oan sira-nia futuru.

“Ha’u ho ferik oan, halo toos, mak kuda batar, liis, tomate, baria, derok, no sel-seluk tan, kuda ida ne’e ha’u nunka garante atu lori oan ba eskola iha Istrael,” nia hateten.

Lee Mós :
ESGP Nino Konis Santana Gleno Menus Meza no Kadeira

Tanba oan sira ne’ebé eskola iha universidade sira, dala-ruma gasta osan barak, maibé hanesan inan no aman ida sempre prontu, luta ba sira-nia futuru.

Tan ne’e, ikus nia tatoli ba nia oan na’in-lima, ida iha Israel, ida iha Dili, na’in rua iha Betanu, no ida mak iha eskola Dombala Manatutu, katak eskola didi’ak, Apa ho Ama liman fo’er, ain fo’er imi haree futuru ne’ebé di’ak liu.

 3,480 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Toos Na’in Belarmino Orgullu Oan Bele Esk…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No