Dili (timorpost.com) – Ohin Loron Kuarta (02/11), Loron Matebian ka finadu, Padre Agustinho Perreira, selebra misa iha Igreja Nosa Senhora Grasa Tasi-Tolu, ne’ebé haklaken nia omilia ba sarani sira katak ohin hot-hotu halibur hamutuk iha Igreja ida ne’e atu reza ba Matebian sira ne’ebé Maromak bolu ona.
Nia hatete, prátika ne’ebé laiha mundu rai-klaran ba ema sarani Katólika mak ohin halibur hamutuk atu Reja ba maun-alin Matebian sira ne’ebé Maromak bolu ona.
“Loron ida ne’e espesiál ba ema husik buat hotu, depois rai ne’ebé uluk sira hela no ita sira ne’ebé husik hela ita-nia knaar loloos hodi halibur hamutuk hodi hanoin fali maluk sira ne’ebe Maromak bolu ona, nune’e ita hanoin sira bainhira ita mate mós ema hanoin ita”, nia dehan.
Nia dehan, momentu hanesan ne’e, loron boot ida maka hanesan loron folin tebes mai iha ida-idak atu hanoin kona-ba mate.
“Ne’e duni hanoin kona-ba ida-idak nia mate no ita sei hanoin katak ha’u ne’e sei forte, mate nu’udar tatoli ba sira ne’ebé moras todan, maibé ita haree ita-nia moris katak mate ne’e nu’udar mistériu ida, tanba ita la kompriende, maibé mate mak nu’udar realidade ida ne’ebé ita hateke daudaun no ita hetan katak ema hotu mate, ne’ebé dala-ruma ema la preokupa nia aan katak bainhira mak ita mate, no balu mate derepente de’it”, Padre Agustinho esplika.
Tanba ne’e Na’i Jesus, dehan rahun di’ak ba sira ne’ebé prepara an atu mate, tanba mate ne’e nu’udar naok teen, prepara atu halo saida moris nafatin iha Maromak nia grasa hodi haktuir nafatin ukun fuan domin ne’ebé saran Maromak tesik ba maluk sira, ida ne’e maka prepara atu mate, hot-hotu prepara aan nafatin atu mate hanesan buat ida mate, tanba dezafius no tentasaun oi-oin ne’ebé hetan iha moris lor-loron. Tentasaun ba hahán no ba ida ne’ebá, dala-ruma la fokus katak la konsentra ba buat ne’ebé esensial katak moris sei mai.
Nia afirma, hot- hotu Reja, hakneak no sel-seluk tan hatudu moris ne’e todan liu maka mai la’ós la’o mesak maibé Maromak la’o hamutuk nafatin, fó grasa nafatin mai ita, tulun nafatin, maibé importante mós hakaas aan hodi koopera ho nia.
“Ne’e duni mai ita reza ba ita-nia maun-alin sira ne’ebé Maromak bolu ona, maibé aumezmu tempu ita mós hanoin ita-nia maluk sira”, nia hakotu.
3,222 total views, 3 views today
Bele hare Video Seluk :
Subscribe to Timorpost
