ADVERTISEMENT

Xefe Estadu Diálogu ho Grupu Arte Marsiais no Arte Rituais

Mario da Costa - Jeral
Jornalista : Mariano Abi
Editor : Mario da Costa
  • Share
Prezidente Repúblika, José Ramos Horta, Foto hamutuk ho lider Grupu Arte Marsiais sira hafoin halo diálogu, Imajen TP/Mariano Abi

DILI (timorpost.com) — Prezidente Repúblika (PR), José Ramos Horta, hala’o diálogu ho Grupu Arte Marsiais no Arte Rituais, ho tema “Promove Paz, Unidade no Garante ba Dezenvolvimentu Nasionál” iha Palásiu Prezidensiál, Segunda (03/10).

Objetivu iha Diálogu ida ne’e, husi Timor Post Online nota katak, atu konvida komponente hotu-hotu iha Timor-Leste, inklui Arte Marsiais no Arte Rituais ne’ebé hanesan mós komponente ba dezenvolvimentu nasionál.

ADVERTISEMENT
SCROLL FILA BA NOTISIA


Tuir Xefe Estadu iha ninia diskursu katak, primeiru enkontru ne’e jerál ho Grupu Arte Marsial sira hotu-hotu no Grupu Ritual, la’ós atu halo serimónia boot ruma, la’ós serimónia nasionál ida, serimónia ofisiál ruma maibé ne’e enkontru ida hanesan enkontru informál.

“Primeiru para koñese ita boot sira depois ba oin iha semana ida ka rua sei halo enkontru individual ho kada grupu. Ida ne’e formatu seluk, média la tama no ema ne’ebé la halo parte iha Grupu Arte Marsiál ne’e la tama, para ko’alia duni kle’an hodi haree ba problema,” PR Horta dehan.

Lee Mós :
Docente da UNTL: É importante responder ao impacto do EE na economia

Horta subliña, tanba dala-barak sempre halo buat hotu-hotu hanesan solenidade boot ida, formalidade boot ida ne’ebé ho Bandeira, Hino ho orasaun no mós diskursu oi-oin, maibé laiha diálogu duni, nune’e la konsege tama to’o iha abut problema sira ne’e.

“Portantu enkontru ohin ne’e, ha’u mós lakohi rona barak tanba ita boot sira iha ne’e, iha eventu loke loos, hanesan konstranjimentu atu ko’alia, ne’e klaru sé mak hakarak ko’alia, ko’alia, mais ne’e la’ós formatu ida atu ita halo enkontru hodi ba to’o abut problema ruma nian,” Horta afirma.

Lee Mós :
Prezidente Horta Husu Governu Apoiu Másimu ba PNTL ho F-FDTL

Nia hatutan, ohin enkontru ne’e atu koñese de’it, depois iha loron seluk mak enkontru, tanba kada grupu iha ninia istória, problema, hanoin, filozofia no sira iha abut saida mak bele ko’alia.

“Uluk ha’u iha nu’udar Primeiru Ministru iha tinan 2007, ha’u halo enkontru ho Arte Marsiál sira hotu-hotu, maibé líder sira de’it mak mai hamutuk na’in-7. Husi ne’e balu kumpre buat ne’ebé hakerek hela iha deklarasaun, maibé balu kontinua fali problema,” Horta konta.

Nia aumenta, dala-ruma ema hotu jeneraliza, buat hotu-hotu hatete dehan Arte Marsiál mak halo, sei membru Polísia mak halo problema ruma, nune’e labele hatete ne’e problema PNTL, lae, tanba PNTL lubuk ida kuaze rihun 4 ou 5.

Portantu jeneraliza hatete Arte Marsiál mak sala ou Arte Ritual mak sala no laiha ema ida atu kritika ka abuza líder sira, Majór sira mak la fó atensaun sufisiente, ne’e lae.

Lee Mós :
Suku 138 Iha Teritoriu Nasional Seidauk Eziste Postu Saúde

“Dala-barak difisil duni ita-nia joven rihun ba rihun sempre difisil, maibé ita buka ko’alia didi’ak, para organiza joven sira ne’e hodi hetan duni, hanesan fatin ida iha sosiedade ida ne’e, atu sira bele kontribui hametin dame no kontribui iha Komunidade,” Horta relata.

Enkuantu iha Diálogu ne’e, hetan partisipasaun husi Grupu Arte Marsiais sira hanesan, Prezidente IKS, Prezidente PSHT no Prezidente KORK, kona-ba parte Arte Rituais nian ohin la partisipa iha Diálogu ne’e.

 1,931 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xefe Estadu Diálogu ho Grupu Arte Marsiais no A…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No