DILI (timorpost.com) – Juventude rezisténsia luta ba Libertasaun patria, tanba hakarak atu liberta aan, hodi kapasita juventude sira liuhosi konesimentu sira nian, atu bele moris paz no estabilidade iha nasaun Timor-Leste.
Prezidente Partidu Demokrátika, Mariano Asanami Sabino, hatete Peace building, Nation building, Caracter building, mak juventude sira hanesan jerasaun foun presiza hatene klean atu bele hatene loloos rekonsiliasaun ba paz no estabilidade iha nasaun Timor-Leste.
“Objetivu juventude atu kontribui inspirasaun, tanba juventude mak sai ai-riin ba nasaun Timor-Leste, tanba ne’e juventude nu’udar pilar inportante ne’ebé sai autór hodi konsolida ba paz no halo Rekonsiliasaun iha Timor Leste,” nia hateten iha Sentru Fundasaun Alola, Kintál Boot, Kinta (22/09).
Tuir Asanami hatete, Kapasitalizasaun ba juventude no estudante sira, oinsá mak bele lori sira-nia konesimentu liga ba ezisténsia sira hodi bele kontribui ba dezenvolvimentu nasionál.
“Objetivu sira ne’e mai ho temátika, rua mak espiritu juventude rezisténsia ho paradigma foun ba konstrusaun estiadu no nasaun, no papél organizasauan g7+ hodi promove paz iha TL”, nia hateten.
Nia dehan, signifikasaun lori temátika sira ne’e oinsá bele mellora foinsa’e sira-nia konesimentu kona-ba ezisténsia organizasaun ba juventude sira nu’udar inspiradór ba prosesu Dezenvolvimemtu hot-hotu iha nasaun.
“Liuhosi kontribuisaun juventude ba prosesu dez dezenvolvimentu nasionál hodi hametin paz unidade iha ita-nia rain, ida ne’e mak prinsípiu loloos iha rezisténsia nia laran,”nia hato’o.
Iha parte seluk, nu’udar Xefe Operasional g7+ ilha TL, Felix Piedade, hatete ezisténsia organizasauan g7+ iha mundu Internasionál ba konsensializasaun no mentalidade juventude no estudante TL hodi kontribui ba paz no rekonsiliasaun, no mós sai inspirador ba iha sosiedade ou nasaun.
País sira mak hola fatin iha soru-mutu “g7+” ida-ne’e (Burundi, Chad, República Democrática do Congo, llhas Salomão, Serra Leoa, Sul do Sudão e Timor-Leste,
“Ita hari g7+ ho intensaun atu fahe dame no rekonsiliasaun ba nasaun seluk. La’ós hari g7+ atu mai hakotu impasse politika iha ita+ian nasaun,” nia dehan.
Tanba ne’e husu ba juventude sira, presiza lori ita-nia kontribuisaun ba nasaun liuhusi kapasidade, mentalidade, atu bele konsolidasi paz no rekonsiliasaun ba Timor Leste.
2,773 total views, 3 views today
