DILI (timorpost.com) – Estadu Timor Leste (TL), iha referénsia barak kona-ba drainajen sira maibé kuandu tempu udan sempre sobu, tanba ne’e mak husu ba Governu presiza maximiza referénsia hodi normaliza londisaun di’ak ba populasaun sira.
“Ita haree udan bainhira monu rai, sempre fó ameasa ba komunidade sira ne’ebé hela besik mota ninin sira, tanba ne’e ita tenke iha estudu no referénsia hodi bele normaliza inundasaun,” dehan Deputadu Francisco Vaconselhos, nu’udar Prezidente hosi komisaun E, ne’ebé trata asuntu infraestrutura, iha Parlamentu Nasionál, Kuarta (21/09).
Nia dehan, Governu liuliu Ministériu obras Publikas, kona-ba kestaun infraestrutura presiza halo estudu ida, oinsá bele kria kondisaun di’ak ba drainajen sira, nune’e bele antisipa udan no mota boot.
“Referénsia barak mak Governu Timor-Leste iha, maibé oinsá mak atu estabiliza kondisaun sira ne’e, tanba udan bo’ot, lori mós mota boot, bele estraga ekonomia komunidade nian, liuliu natar sira,” nia hateten.
Nia dehan, Kondisaun sira ne’e mak komisaun E hosi Parlamentu Nasionál halo aprovasaun ba desizaun ida ne’e atu ita bele halo konstrusaun ba ponte, ka valeta ou drainajen sira mai ho kondisaun di’ak.
Tanba udan kuandu tu’un sempre lori ameasa mai iha komunidade sira, no bele paraliza sira-nia atividade ekonomia, prevene kedas sira roda merkadoria,
Nia eaplika, razaun tanba mota boot sira iha parte leste, hanesan mota, Lamaran, dilor, we-luli, sempre atraka ponte sira, lori segimentasaun barak, hodi estraga na populasaun sira-nia natar, husi hektar ba hektar,
Signifika Governu láiha estudu no referénsia ida ba problema sira ne’ebé udan sobu ou mota sobu, tanba ne’e hosi komisaun E iha PN husu nafatin ba Governu Presiza halo planu no makro estudu ida másimu ba inundasaun sira ne’e.
Hanesan drainajen sira presiza Governu tau atensaun lalais, tanba tempu udan komesa daudauk ona, no fiar katak sei implementa programa ne’e bele la’o ho di’ak hodi fó kondisaun dignu ba komuidade sira iha territóriu laran tomak.
1,944 total views, 3 views today
