Dili (timorpost.cim) – Juventude Intelektuál, Nivio Leite Magalhães, hatete Juventude sira iha rai laran ne’e tenke sai autór prinsipál iha Nasaun ida ne’e, nune’e labele halo fali konflitu iha sosiedade laran.
Nia hatene, Juventude ninia hahalok labele halo tuir hanesan Juventude hotu-hotu nian.
“Los duni ita akompana iha problema no konflitu balun ne’ebé akontese iha fatin fatin ne’e, ne’ebé ha’u hein katak diferénsia entre grupu sira ne’e labele sai fali problema”, nia hateten iha Liceu- UNTL, Sábadu (17/09).
Nia dehan, diferénsia ne’ebé iha karik grupu Arte Marsiais ka grupu Polítiku no grupu saida de’it, ida ne’e tenke sai fali forsa no unidade.
“Ita tenke muda hanoin ida balun temi dehan Juventuda ne’e laiha, ne’ebé temi dehan Juventude ne’e tenke sai autór prinsipál ba iha Nasaun ida ne’e”, nia hateten.
Nia haktuir, istória hatuduk ona iha tempu pasadu katak Juventude lubuk ida sakrifika sira-nia an ba rai ida ne’e hodi hetán ukun rasik an.
Tanbá ne’e, nia dehan Juventude agora tenke kontinua sai autór prinsipál ba dezenvolvimentu no tenke sai transformadór ba iha sosiedade tomak.
“Tanba luta ba libertasaun Povu ne’e Juventude tenke kontribui nafatin sai autór prinsipál iha oin, tanba ita hatene katak númeru Juventude iha ita-nia Rai ne’e aas tebes tanba ne’e maka sira tenke kontribui ba rai ne’e ho di’ak”, nia tenik.
2,012 total views, 3 views today
