DILI (timorpost.com) – Partidu istóriku Frente Revolusionáriu Timor-Leste Independente (FRETILIN), halo kongresu ba Kinta lejizlatura hodi hili Pakote ida atu Lidera Partidu, la’ós atu fahe malu, maibé atu hamutuk lori FRETILIN ba oin.
“FRETILIN nu’udar vida nasaun nian ne’ebé sempre iha liña Frente, iha instituisaun hotu-hotu,” hateten membru FRETILIN, José Agustinho Sequeira “Somotxo”, ba Sentru Konvensaun Dili, Kinta (08/09).
Nia dehan, FRETILIN halo parte estadu Timor hanesan defeza, seguransa, ba arte-marsiais sira ne’ebé iha Timor-Leste hotu-hotu, sente katak partidu FRETILIN ne’e hanesan naroman ida ba Timor Leste.
“Ha’u fiar katak ita-nia sosiedade povu Timor-Leste tomak sente katak iha responsabilidade polítika, moral, atu kontribui ba estabilidade no pás liuhosi kongresu FRETILIN nian durante loron tolu,” nia hateten.
Nia hatete, Nivel instituisaun sira ne’ebé responsavel ba seguransa, konserteza iha fatin hotu-hotu iha patrullamentu signifika katak sira hotu preokupa FRETILIN nia kongresu to’o ohin dadeer iha fatin hotu-hotu iha seguransa.
Objetivu kongresu FRETILIN ba dalimak nian sempre hatudu ho estabilidade, tanba kongresu ne’e nia laran, militante mai ho hanoin atu garante estabilidade ba interna Polítika no estratéjika FRETILIN nian.
Maski FRETILIN mai ho pakote rua, la signifika atu da’et ba instabilidade, maibé nafatin iha prinsípiu ida katak kria estabilidade no moral, hodi hatudu dezempeñu di’ak nafatin ba nia militante no simpatizante tomak.
Pakote ne’e mosu la’ós atu kria instabilidade, tanba nia objetivu prinsipál mak atu hadi’a polítika no estratéjia FRETILIN ba oin nafatin, tanba ema hotu hatene FRETILIN la’ós partidu foun, maibé tuan iha istória Timor-Leste nian.
“Ha’u fiar katak kongresu ida ne’e, hosi pakote rua ne’e bele valoriza malu no konsidera malu nu’udar membru ida de’it FRETILIN nian, hodi lori naroman nafatin ba Povu no nasaun iha futuru,” nia hakotu.
2,383 total views, 6 views today
Bele hare Video Seluk :
Subscribe to Timorpost
