ADVERTISEMENT

Prezidente Horta Hakarak Apoiu Inan Feto Sira ho Negósiu Ki’ik

Mario da Costa - Jeral
Jornalista : Mariano Abi
Editor : Mário da Costa
  • Share
Prezidente Repúblika, José Ramos Horta, Imajen TP/Mariano Abi

Dili (Timor Post) — Prezidente Repúblika (PR), José Ramos Horta, bainhira partisipa iha seremónia enseramentu formasaun kona-ba programa empoderamentu feto, iha IADE Mandarin, Kuarta, (24/08), hatete empoderamentu feto, presiza haree para oinsá bele muda no tane sira.

Xefe Estadu, hatete sira hamutuk ho IADE, halo formasaun badak espesiál ba Inan feto sira ne’ebé halo busines, para sira bele komprende no hatene liután kona-ba, halo planeamentu, sukat sasán, kontabilidade, merkadu, poupansa, para neneik-neneik sira bele ba oin.

ADVERTISEMENT
SCROLL FILA BA NOTISIA


“Ha’u-nia preokupasaun kuandu loke departementu ne’e iha Palásiu Prezidensiál bolu dehan, empoderamento da mulher, presizamente para haree oinsá bele muda no tane sira, maibé la’os haree ba feto sira ne’ebé iha busines boot hanesan loja boot sira, mais tane feto sira, inan sira ne’ebé tiga roda sira, faan modo, faan tais no buat sira seluk para nei-neik sira bele hakat ba oin ho sira-nia busines,” Nia hateten hafoin partisipa serimónia enseramentu ba formasaun kona-ba empoderamentu feto, iha IADE Mandarin, Kuarta (24/08).

Lee Mós :
Semana Oin Ekipa MACLN Hahú Verifika Dadus Veteranu

PR Horta mós informa, nia hatene nia desizaun no entendimentu mezmu ke Timor-Leste nia polítika ne’e la’o hanesan, klaru tanba ema sira investidór sira iha li’ur, sira haree sira kontente no akompaña, sei situasaun polítika la’o di’ak, Prezidente Repúblika, Paralamentu Nasionál ho Governu la’o di’ak, ema barak kontaktu Xefe Estadu, Horta kuaze loron-loron no PR Horta mós ko’alia ho sira pesoalmente, liuhusi Zoom.

Husi ne’e, iha Xefe Estadu ninia diskursu katak, Parabénsns imi halo formasaun ida ne’e, espera bele ajuda imi, hodi aprende buat ruma iha setór negósiu, maski ho ki’ik derepente bele sa’e ba boot, nune’e ida-idak nia koñesimentu atu aprende buat ruma.

“Tanba ne’e mak Prezidente Repúblika, halo programa ida bolu empoderamentu ba feto sira, atu haree tulun inan sira, alin feto sira, abin sira iha Timor, para bele sai hanesan independente, ekonómikamente, finansiamente, ou bele tulun liu tan família,” Xefe Estadu afirma.

Lee Mós :
MP regista 513 processos-crime em novembro

Enkuantu PR Horta, hatene mós katak, iha tempu ruma atividade ekonómika barak sei akontese, entaun para Inan Feton sira, Tia sira, bele hetan benefisiu mós hodi patisipa direitamente ho koñesimentu, ida ne’e mak importante para sira labele loron-loron tuur faan mak modo de’it, mais bele faan tan buat seluk tan, purtantu mak ida ne’e no prosesu ne’e sei kontinua.

“Prosesu ne’e tenke kontinua labele loron ruma de’it hanesan dala ida ka dala rua lae, ne’e sempre permanente hodi kontinua, no au mezmu tempu Governu tau 50 miloens iha BNCTL, ne’e foin primeira vez presijamente para halo tulun ita-nia setór privadu, halo imprestimu para halo busines atu la’o ba, maibé ho funan ne’ebé kaman loos ho 3%, tanba uluk ne’e todan boot loos 14%, 12%, minimu 8%, mais agora ne’e 3%, ha’u sempre defende imprestimu ba setór privadu ho 3% bele tun 2% ne’e mak bele ajuda ekonomia sei funan todan demais, ne’e oho ema ne’ebé impresta osan ho funan ne’ebé boot nia la konsege selu,” Xefe Estadu informa.

Lee Mós :
Uma 49 Hetan Estragu Husi Dezastre Naturál Iha Semana Ida Nia-Laran

Enkuantu Xefe Estadu mós kontente ho desizaun Governu nian, ne’ebé tau osan iha BNCTL, mais PR Horta ko’alia daudauk ho ema iha li’ur, para bele haree oinsá, sira bele ema ne’ebé bilionariu boot iha liur para oinsá apoia feto sira iha Timor-Leste bele halo kontribui di’ak ba ekonomia.

 12,918 total views,  18 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Horta Hakarak Apoiu Inan Feto Sira h…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No