Dili (Timor Post) – Antigu Kombatente FALINTIL, Paulo da Costa Amaral, Tersa (09/08), halo enkontru ho Prezidente Repúblika (PR), José Manuel Ramos Horta, no entrega Livru ho títulu “As Memórias da Guerra em 1975-1979”.
“Ha’u hetan audénsia ho Prezidente Repúblika, ha’u entrega livru ida ho títulu “As Memórias da Guerra em 1975-1979”, tantu livru ne’e reflete kona-ba ha’u-nia perkursu iha 1974 Guerra Sivíl, entre FRETILIN no UDT, Guerra kontra Um Guerra iha fronteira, Guerra kontra okupasaun Indonézia iha Timor, rezisténsia kontra forsa Indonézia,” nia dehan hafoin remata enkontru ho Xefe Estadu, iha Palásiu Prezidensiál Bairru-Pité.
Nia hatutan, husi ne’e mós Reuniaun Istória iha Soibada, Reuniaun Istória Lalini, ida ne’ebé boot liu iha tempu de Guerra durante 24 anos, mak iha Lalini.
“Ha’u ko’alia ho Prezidente Repúblika, kona-ba aban-bairua opsaun ida mós ba iha ita-nia moeda Timor-Leste ne’e bele Lalini,” nia dehan.
Portantu iha enkontru ne’e mós Antigu Kombatente FALINTIL, Paulo da Costa Amaral, konvida Prezidente Repúblika, atu partisipa ka vizita Poerema, iha Kailaku.
Enkuantu nia fó hatene ba Prezidente Repúblika, katak populasaun hotu-hotu iha Timor-Leste, espesiál ba Maliana, tanba iha loron 16 fulan Outubru 1975 Indonézia okupa hosi Indonézia.
“Entaun ha’u hakarak konvida Prezidente, Vítima iha fatin ne’ebé sentru instituisaun Aileu ne’e mobiliza soldadu barak Poerema ne’ebá, entaun ha’u gosta Prezidente ba Vizita rai ida Poerema ne’e, iha Kailaku, purtantu ba karik iha 16 Outubru para komemora 47 okupasaun Indonézia Okupa Maliana,” nia relata.
Husi enkontru ne’e mós Prezidente Repúblika hakarak loos, hodi ba vizita Poerema, no husi Antigu Kombatente FALINTIL, Paulo da Costa Amaral, mós sujere ba Prezide Repúblika, katak bá karik tenke ho Xanana, Abel Ximenes ba hotu, tanba sira ne’e mak sobrevivente úniku, ne’ebé tuir reuniaun konsellu superior da luta iha Lalini, husi loron 10 fulan Maiu 1977, to’o loron 9 fulan Jullu 1977, no mós Reuniaun boot liu hotu durante Guerra ne’e mak iha Lalini ne’e.
“Prezidente Manefesta nia voa vontade hakarak, ba vizita duni Lalini, ami husu antes Prezidente nia mandatu remata, prezidente atu ba vizita Werun iha Natarbora, portantu iha fatin ne’ebé realiza Konferénsia husi pasajen Guerra ba pozisaun guerilleiras, Prezidente hakarak vizita, tanba ne’e ba halo mós Komemora terseiru aniversáriu Independénsia Timor Leste nian,” nia afirma.
Normalmente fatin tolu mak prezidente Repúblika aseita atu vizita, primeiru mak Poerema, Lalini no mós Werun, tanba fatin sira ne’e mak fatin Istóriku atu bele informa ba jerasaun sira.
“Fatin sira ne’e mak ema halo istória, livru ha’u hakerek hotu buat sira ne’e, no ha’u espera, livru ne’ebé iha sai hanesan referénsia ba jerasaun foun sira, livru ne’e hamutu 682 pájina, livru ne’e lansa husi CNC iha tinan kotuk, no hakerek ho lingua Portugés remata iha 2020,” nia hakotu.
1,921 total views, 3 views today
Bele hare Video Seluk :