ADVERTISEMENT

Noventino ho Ekipa Aprezenta Ezisténsia AEP-TL ba SEKomS

Mario da Costa - Jeral
Jornalista : Mariano Abi
Editor : Mario da Costa
  • Share
Diretór AEP-TL, Noventino Noé Fernandes, Imajen TP/Mariano Abi

Dili (Timor Post) – Diretór Assosiasaun Enjeñaria Petróleo Timor-Leste (AEP-TL), Noventino Noe Fernandes ho nia ekipa, Sesta (05/08), aprezenta ezisténsia AEP-TL ba Sekretáriu Estadu ba Komunikasaun Sosiál, Merício Juvinal dos Reis “AKARA”.

“Ohin ami halo audensia ho SEKomS, primeiru ami relata ami-nia ezistensia AEP-TL ba nia, segundu ami hakarak hetan motivasaun ou aspirasaun husi nia. Tanba ami hanoin no tau atensaun katak, nia hanesan ema ida ne’ebé susesor iha kareira organizasaun, nune’e mós nia iha abilidade no koñesimentu kle’an ba jestaun fundu petrolífera iha Timor-Leste,” nia dehan hafoin remata enkontru iha salaun SEKomS.

ADVERTISEMENT
SCROLL FILA BA NOTISIA


Tanba ne’e nia dehan, husi AEP-TL nia soru-mutu ida ne’e mós husu SEKomS, kona-ba disponibilidade informalmente, atu partilla informasaun no esperiensia ba ekipa AEP-TL, hodi nune’e Joven sira nafatin iha espiritu ne’ebé hamrik iha Organizasaun, no fó susesu ba iha vida Organizasaun.

“AEP-TL ho ninia vizaun ida mak atu profisionaliza petrolista sira iha Timor-Leste, no ohin ami ko’alia mós kona-ba objetivu prinsipál sira ne’ebé mós relata ba nia mak hanesan ne’e, Asosiasaun hanesan Organizasaun ne’ebé hamrik iha Timor-Leste ho objetivu prinsipál mak, hodi halo kontrolu ba atividade Petrolífera iha Timor-Leste, no mós halo familiariza sosiedade iha setór Petróleu,” nia afirma.

Lee Mós :
SEFOPE Entrega ona Mate Isin Gracildo ho Florindo ba Família

Diretór ne’e haktuir, maski nune’e, Asosiasaun inter ligadu ho SEKomS ne’e ladún relevante, maibé AEP-TL hanoin ona, antes ne’e sira tau atensaun katak, Sekretáriu Estadu ne’ebé agora iha SEKomS ne’e, antes ne’e nia iha abilidade no koñesimentu ne’ebé kle’an, kona-ba lala’ok jestaun fundu petrolífera.

“Ami haree Sekretáriu Estadu mós asesor ida iha Organizasaun, entaun ami la haree ba nia agora ne’e, maibé ami hakarak hetan lider Governasaun foun ida. Ho ida ne’e ami hakarak hetan motivasaun, inspirasaun no matadalan ruma husi nia kona-ba parte relembrasaun ninian,” nia dehan.

Asosiasaun ne’e estabelese iha 2019, ne’ebé akumula reprezenta husi petrolista sira husi UNDIL, UNITAL, DIT, ho UNTL, petrolista sira ne’e katak, ema hotu foti kursu husi departamentu petroleum.

Lee Mós :
SEKOMS Husu Sosiedade Sivíl Tulun Governu Tranzmite Informasaun Kredivel

Enkuantu agora iha Asosiasaun Petróleu, ekipa AEP-TL ba parte tolu, ida mak membru Ezekutivu ema na’in-7, ida mak membru voluntária na’in-136, no ida fali mak membru bai-bain.

“Ba membru bai-bain ne’e, ita konsidera estudante no Joven, hotu ne’ebé remata kursu iha Departamentu Petroleum, ita konsidera hanesan bai-bain, balun Rejistu ona, balun seidauk registu, maibé agora ne’e se mak registu sai hanesan membru baibain, mak hanesan kolega sira husi DIT, UNDIL, UNITAL, UNTL, no hamutuk ho UP45 husi Jogjakarta,” nia afirma.

Alende ne’e AEP-TL nia programa rua ne’ebe sira tau atensaun to’o agora, ida maka halo monitirizasaun advokasia no peskiza ba Setór Petrolífera, atividade Petrolífera, fundu Petrolífera, no programa ida mak AEP-TL halo dezamina no sensibiliza informasaun ba atividade Petrolífera iha Timor.

Alende ne’e, hafoin remata enkontru ho Sekretáriu Estadu, Mericio AKARA, kontente tebes ho sira-nia ezisténsia no husu nafatin ba sira katak, nu’udar Joven nafatin moris iha Organizasaun, atu nune’e bele iha forsa no kapasita malu liu tan.

Lee Mós :
SEKOMS-CCYC Sensibiliza Juventude Kona-ba Literásia Dijitál

“No mós nia iha posibilidade atu fahe ninia tempu mai ami, infromalmente, karik ami konvida hodi fó informasaun ou partilla informasaun ruma kona-ba oinsá atu hadi’a Organizasaun,” nia dehan.

Enkuantu tuir Diretór AEP-TL Noventino nia hanoin kona-ba, Governu Timor-Leste atu dezenvolve setór Petróleu iha Timor-Leste, presiza kontestu barak.

“Agora ita atu tama ne’e, iha kontestu ida ne’ebé, tanba iha kontestu Petróleu nian mak, atividade upstream, mindstream no downstream. No mós projetu barak ne’ebé agora liuhusi Ministériu Petróleu ho mós ninia parseiru relevante sira ne’ebé hala’o sira-nia servisu, husi ne’e sujere de’it ba Ministériu atu atensaun ba iha Petrolífera iha Timor ne’e, tanba importante la halimar,” nia hakotu.

 1,571 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Noventino ho Ekipa Aprezenta Ezisténsia AEP-TL …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No