DILI ( Timor Post)- Portavoz FALINTIL Forsa Defeza Timor Leste (F-FDTL), Kapitaun José Antonio Nunes, hatete rekrutamentu membru foun FALINTIL-Forsa Defeza Timor-Leste (F-FDTL) tinan ne’e, hamutuk na’in-600, maibé sei voluntária durante tinan ida ho balun.
Nia hatete, publikasaun ba rekrutamentu foun tinan 2022, bazeia ba Konselu Ministru, ne’ebé aprova planu rekrutamentu ba F-FDTL na’in-600.
“Ita avisu ba inan-aman, maun-alin, ferik-katuas, senhor-senhoras, autoridade sira katak, rekrutamentunida ne’e, voluntária ba Timoroan bele konkore tuir kritériu ne’ebé iha, Signifika aplikante sira liu karik mai servisu durante 18 mezes, tuir rejime voluntária ne’ebé iha, depois pasa mak sei halo rejime kontratadu dois anos, durante tinan hitu, se fila ou konkore ba teste kuadru permante karik nia pasa,” Nia hateten liuhusi Konferénsia Imprensa iha Kuartel Jenerál Fatuhada, Kinta (21/07).
Nia hatutan, sai nu’udar kuadru permanente ona, hafoin mak bele konkore ba eskola formál por eskrita Militár, depende ba avaliasaun atu haree oinsá sira progresaun de kareira ba futuru, ne’e signifika presiza tempu no pasiensia, ne’e la’os fasil.
“Tanba ne’e, husu ita boot sira katak la’ós objetivu ida ne’e, di’ak liu lalika gasta tempu, buka dalan korta fasil iha vida Militár nian, ba inan-aman, katuas-ferik, maun-alin no senhor-senhora sira, lalika lakon tempu atu buka ema iha servisu fatin no fatin seluk hodi buka rekomenda oan, alin, ka beioan sira mai iha ne’e,” nia dehan.
Nia informa, rekrutamenrtu ida ne’e ba sidadaun hotu, feto ka mane, kritériu mak manda iha ne’e la haree ba kor no la haree ba família ka rekomendasaun espesiál, ne’e la existe, nune’e atu rekomenda ba sese deit, sei tau hamutuk iha fatin ida no sei tais tuis kriteriu ne’ebé en-vigor.
Ikus liu nia dehan, rekrutamentu ida ne’e ba soldadu prontu nian, apela liuliu ba entidade hotu-hotu atu ajuda instituisaun F-FDTL, hala’o ka hametin sistema normal no regulamentu relavante sira ne’ebé estadu kria tiha ona ba nasaun nia diak.
1,748 total views, 3 views today
Bele hare Video Seluk :
Subscribe to Timorpost
