ADVERTISEMENT

“Ha’u La Sente Seguru ho Situasaun Iha Ita-nia Rain”

Mario da Costa - Jeral
Jornalista : Mariano Abi
Editor : Mario da Costa
  • Share
Tenente Jenerál Reformadu, Lere Anan Timur (LAT), Imajen TP/Mariano Abi

DILI (Timor Post)–Tenente Jenerál Reformadu, Lere Anan Timur (LAT), hatete ohin nia mai hasoru Prezidente Repúblika (PR), José Manuel Ramos Horta, nu’udar maun, nu’udar aman ba nasaun, no aman ba ema hotu-hotu nian.

“Ohin ami ko’alia liuliu kona-ba situasaun polítika iha rai laran. Nune’e, ha’u hatete ba nia katak, ha’u la sente seguru ho situasaun ne’ebé la’o iha ita-nia Rai laran,” nia dehan hafoin remata enkontru ho Xefe Estadu, iha Palásiu Prezidensiál, Bairru-Pité, Kinta (14/07).

ADVERTISEMENT
SCROLL FILA BA NOTISIA


Nia realsa, ba Prezidente Repúblika, katak primeiru nu’udar Lider, nu’udar mós aman ba nasaun, haree ba joven sira ne’ebé loron-loron nadodon ba ema nia Rain.

Lee Mós :
Lere: Ró Haksolok Feruzin ne'e Laloos, 2024 Prontu Ona

“Ita dehan Joven mak futuru nasaun nian, maibé sira ba no ema seluk mak tama fali”, nia preokupa “Ne’e problema ida Governu nian, ne’ebé tenke haree, no hanesan uluk iha fatin balu ha’u dehan, la’ós la di’ak, di’ak, ita-nia Joven sai ba li’ur, ita esporta ema, depois importa osan mai, mais ita-nia joven sira tenke ba ho dignidade, hela iha ema nia rain ho dignidade, no fila mós ho dignidade”.

Tenente Jenerál Reformadu ne’e, subliña labele hanesan foin daudauk ema hotu-hotu rona dehan, joven sira iha Portugal, toba de’it iha dalan ninin sira ne’e, la iha dignidade.

Lee Mós :
Proposta Lei Programasaun Militár Pasa Iha Jeneralidade

“Ba Joven agora, ita-nia Governu mak tenke haree, atu ita-nia joven sira ba ho dignidade, iha ema nia rain, presiza Governu rua tenke iha akordu, hanesan Australia ho Korea, labele ida-idak la’o ninian. Nune’e mós atu husu responsabilidade ba sira ticket sira ne’e, se lae ita la kontrola bei-beik, ita sei monu ba Tráfiku Umanu, krime organizadu, ho ida ne’e komesa hahú ona,” nia afirma.

Nia hatutan, hanesan Maun na’in-3 ou na’in-4 iha Timor-Leste, husi sira ne’e mak sai aman ba nasaun, nune’e, sira tenke responsabiliza. Tanba saida mak Joven sira nadodon ba Rai li’ur, no to’o ne’ebá toba de’it iha Uma tatis, tanba serbisu laiha no osan laiha.

Lee Mós :
Governo deve apoiar rapidamente escolas afetadas por desastres naturais

“Sira sai ema seluk tama, sira hatama fali osan, ema seluk lori fali ba li’ur. Entaun ne’e mak primeiru, ha’u hatete ba ha’u-nia maun, klaru ohin ha’u bolu maun, porke iha ha’u-nia partidu mós seidauk toman atu bolu liafuan kamarada, ne’e ha’u la toman. Ha’u toman maka, Irmão, kompañeiru, ou Maun Boot. Ne’e mak ha’u hanoin katak, responsabilidade, ha’u nian no ita hotu-hotu nian,” nia relata.

 1,971 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on ““Ha’u La Sente Seguru ho Situasaun Iha Ita-nia …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No