ADVERTISEMENT

Oho Mate Fen Tanba Bandu Sosa SDSB, MP Alega Prizaun Tinan 30

Timor Post - Jeral · Liquiçá · Munisípiu
Jornalista : Cesaltina Ximenes
  • Share

DILI—Arguidu Rafael Alves Pereira, simu Alegasaun Hosi Ministériu Públiku, ameasa Kadeia tinan 30 tanba prova oho Mate Fen rasik, iha area Likisá tinan 2021.

Iha audiénsia, Prokuradór Titular hato’o nia pozisaun katak faktu hotu-hotu ne’ebé dun ba arguidu ho krime 3, hanesan omisídiu agravadu, Violénsia Doméstika no krime Arma branka.

ADVERTISEMENT
SCROLL FILA BA NOTISIA


“Hosi faktu tolu, krime violénsia doméstika, krime Omisídiu Agravadu no krime arma Branka, hosi Ministériu públiku prova hotu kedas, tanba vítima sira konfirma faktu loloos,” MP hatete ba Tribunal, Segunda (04/07).

MP dehan, Arguidu nia konduta nee grave tebes, maski arguidu too iha tribunal hili direitu nonook.

Ministériu Públiku entende katak, arguidu nia hahalok prienxe krime omisídiu agravadu tanba arguidu iha intensaun atu oho vítima ho asaun diskusaun, baku hafoin losu katana taa iha kotuk, ulun, no bainhira kuandu vítima koko atu salva nia an ho liman, momentu nee kedas ta kotu hotu vítima nia liman rua.

Lee Mós :
Estadu Emerzensia hahu Loron 6 Agostu to'o Loron 4 Setembru 2020

Tanba nee Ministériu públiku laiha duvida husu ba tribunal atu aplika pena ne’ebé as liu. Tanba tuir lei estadu Timor leste la aplika pena morte, maibé nia konsekuénsia bele too tinan 30, tanba nee MP hili penal úniku refere.

Enkuantu, hosi arguidu nia defeza, husu tribunal atu tetu sirkunstánsia sira ne’ebé iha, tanba iha prosesu audiénsia, tribunal rona de’it sasin sira nia deklarasaun, vítima ho arguidu la deklara buat ruma, ho razaun vítima mate, no arguidu hili dalan silénsiu iha tribunal.

Tanba ne’e defeza konsidera, katak iha faktu balu mak tribunal presiza tetu no halo analiza nune’e bele aplika pena ida adekuadu no justu ba arguidu.

Hafoin tribunal koletivu ida nee rona tiha pedidu alegasaun hosi parte rua, Juis prezide deside adia fali ajenda julgamentu ba loron 29 fulan Jullu 2022, tuku 14:00 ba iha leitura akordaun.

Entretantu, tuir kronolojia akontesimentu katak, arguidu ho vítima ADM moris nu’udar fen ho la’en hela iha uma ida iha Munisípiu Likisá.

Lee Mós :
Polisia Sobu Jogu Ilegal no Kaptura Ema Na'in-Rua

Katak iha loron 15 fulan Abríl 2021, iha kalan tuku 09:00, vítima hamutuk nia oan sira hanesan Faustina Dias Ximenes ho David dias Ximenes, atu han kalan.

Kuandu oras too atu han, vítima bolu no konvida arguidu atu han, maibé arguidu la simu, nune’e vítima hakbesik ba arguida hodi hatete “o loron kalan mak sibuk Cakar SDSB, lalika rai osan,”

Rona tiha vítima nia deklarasaun nee, halo arguidu hirus, no arguida komesa diskute malu ho vítima, tanba vítima la hatán arguidu atu gasta osan ba hola númeru SDSB.

Nune’e arguidu hirus, losu sai katana ida ne’ebé sikat hela iha didin lolon, duni tuir vítima konsege ta kona iha vítima nia kotuk, halo vítima monu kedas ba rai, kuandu vítima monu arguidu mós ta tan dala ida iha kakorok.

Nune’e vítima monu hadeer la todan ona, vítima hit liman rua atu salva nia ulun, maibé arguida foti katana ta kotu tan vítima nia liman rua.

Lee Mós :
POLRI Kaptura Timoroan Na’in-113 iha Atambua

Iha momentu nee kedas, vítima bolu nia oan na’in rua, atu ko’us vítima nia ulun, nune’e vítima nia oan na’in rua mós ko’us hodi husik is iha vítima nia oan na’in rua nia liman.

Tanba nee Ministériu Públiku akuza arguidu ho krime Omisídiu agrvadu, Violénsia Doméstika no krime Arma Branka, hotu hotu tuir lei penal.

Ba faktu nee arguidu la fó nia konfisaun ba tribunal, tanba hili dana silénsiu. Maibé kuandu konfirma ba sasin vítima nia oan na’in rua, hatete motivu arguidu ho vítima tanba bandu atu haruka arguidu sosa númeru SDSB.

Ba audiénsia, hosi Tribunal reprezenta juis koletivu, Alvaro Maria Ferreira, Argentino Nunes ho Jose Gonçalves, parte Ministériu Públiku, reprezenta prokuradór na’in ida, no arguidu hetan asisténsia legal hosi defensór públiku.

 4,089 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Oho Mate Fen Tanba Bandu Sosa SDSB, MP Alega Pr…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No